Isaia 28:4 - ÎVUKU RÎA ÛVORO MWARO

⁴ Riiri wao ûrathira ta ûrîa yûa rîvovaga, riiri ûrîa ûrî Kîamndarî kîrîa kîrî ûtonga, ûkethîrwa wîkariî ta ngûû irîa itunîvaga mbere ya îvinda rîa riûa, rîrîa mûndû aciona aitucaga na akairîa wa rîmwe.

Isaia 28:4 ပူးပေါင်းရင်းမြစ်များ

Isaia 28:1

Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Hosea 9:16

Andû a Efiraimu nî aringe, mekariî ta mîtî îrî na mîri mîûmû, o matigaciara maciaro. Wana maaciara ciana, nîngaûraga ciana ciao irîa mendete.”

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Nahumu 3:12

Kûndû gwaku kuonthe gwa kwîgitîra gûkethîrwa gwîkariî ta mîkûyû îrî mîtune; nwatî inainia mîkûyû wone, matunda mainainua magûcaga kanyuarî ka mûmarîi.

Kûguû 6:13

Nacio njata cia îgûrû nîciagwîre nthî wata ûrîa mûkûyû ûgwîthagia ngûû irîa nthatu vîndî îrîa wainainua nî rûkûngi rûnene.