Isaia 28:13 - ÎVUKU RÎA ÛVORO MWARO

¹³ Kwoguo Ngai-Mûnene nîakaamathomithia watho, kiugo gwa kiugo, ava ûndû mûnini, vaarîa ûndû mûnini; nîguo makîthiî mavîngagwe makagwa na vuva, na nîmakaaunîkanga, mategwe na manyitwe.

Isaia 28:13 ပူးပေါင်းရင်းမြစ်များ

Thaburi 69:22

Irugo ciao irotuîka cia kûmanyitithia, irugo ciao irîa nyamûre irotuîka mûtego kûrî o.

Isaia 28:10

Aratûthomithia watho kiugo gwa kiugo, mûvari kwa mûvari, ava ûndû mûnini, vaarîa ûndû mûnini.”

Isaia 59:10

Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Hosea 8:12

Wana nîngîamandîkîre maathani makwa mavinda meengî atîa, o mangîamoonaga marî kîndû kîgeni tu.

Mathaayo 13:14

Kwoguo maûndû marîa mûrathi Isaia aaugire mamegiî nîmaavingire. Ngai augîte atîrî, ‘Kûthikîrîria mûkaathikagîrîria nwatî mûtigaataûkagîrwa, kûroria makaroragia nwatî matikoonaga.

Mathaayo 21:44

Na mûndû ûrîa ûkaagwîra îthiga rîu nîakaaunîkanga, na rîngîkaagûîra mûndû nîrîkaamûmindiûra atuîke rûkûngû.]”

Aroma 11:9

Nake Daudi nîwaugire atîrî: “Irugo ciao irotuîka mîtego ya kûmagwatithia, o nîmagwe na maverithue!

2Akor 2:16

Kûrî andû arîa maraûra nî mûtararûko wa gîkuû, nwatî kûrî andû arîa maravonokua, nî mûtararûko wa mwoyo. Nî ûrîkû ûngîvota gwîka maûndû mama?

2Pet 3:16

Ûguo nîguo augîte maarûarî ciake cionthe rîrîa rîonthe andîkîte îgûrû rîa ûvoro ûyû. Maûndû mamwe marî maarûarî cia Paûlo nî maûmû mûno mûndû gûtaûkîrwa nîmo. Nao andû arîa methagîrwa matarî athomu na arîa matekindîrîtie wîtîkiorî nîmataaragîria maûndû mau na njîra ya maveeni, wata ûrîa mataaragîria icunjî irîa ciîngî cia Mandîko Matheru. Kwoguo nîmethiragia o ene.