Isaia 28:1 - ÎVUKU RÎA ÛVORO MWARO

¹ Kaî andû a Efiraimu arîa mîrîu marî na thîna-î, ûthaka wa riiri wao ûrathira ta ûrîa yûa rîvovaga, ûthaka wao ûrîa ûvana ta maûa maravova maigîrîrîtwe ciongorî cia atongoria acio marîtwe nî ndivei.

Isaia 28:1 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

Nthi 23:29

Nîûrîkû ûrî na thîna? Nî ûrîkû ûrî na kîeva? Nîûrîkû ûrî na ngucanio? Nîûrîkû ûrateta? Nîûrîkû ûtivîtue vatarî na gîtûmi? Nîûrîkû ûrî na metho matuune?

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Isaia 5:11

Kaî marî na thîna-î! Arîa maramûkaga kîraûko tene, nîguo mathiî makanyue ndivei; arîa matukagîrwa makînyua ndivei, nginya rîrîa makaarîwa nîyo.

Isaia 5:22

Mue arîa mwatuîkîte tûnavû twa ndivei kaî mûrî na thîna-î! njorua cia kûnyua mîthemba mwanyamwanya ya njovi.

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Isaia 9:11

Kwoguo, Ngai-Mûnene nîakaarete nthû ciao nîguo imatharîkîre.

Isaia 9:8

Mwathani nîatuîrîrîte andû a Jakovu, na îtuîro rîu rîgakinyîra andû a Isiraeli.

Isaia 9:9

Andû onthe a Isiraeli nîmakaamenya, andû a mûvîrîga wa Efiraimu na andû arîa matûûraga Samaria, maragia na mwîtîîo na ûng'endu makiugaga atîrî,

Hosea 4:11

Ndivei ngûrû na njerû nîithengutagia ûmenyo.

Hosea 5:5

Mwîtîîo wa andû a Isiraeli ûrî ûtherirî; andû a Efiraimu nîmavîngîcwa nî mevia mao, wanao andû a Juda nîmavîngîcwa vamwe nao.

Hosea 5:9

Mûthenya ûrîa ngaaverithania Efiraimu gûgatuîka ta werû! Maûndû marîa nîranîrîra gatagatî ka mîvîrîga ya Isiraeli, nama nî maûndû magatuîkîka.

Hosea 6:10

Nîmonete ûndû mûcûku mûno gatagatî ka andû a Isiraeli; andû a Efiraimu mavinyûraga gûtungatîra ngai wîngî, nama, andû a Isiraeli nîmegwatîtie mûgiro.

Hosea 7:5

Mûthenya wa gûkûngûîra mûthamaki, atongoria ake manyuire ndivei makîrîwa na makîrita, nake mûthamaki akînyitanîra na andû arîa mamûnyûrûragia.

Alawi 26:19

Nî ngaathiria vinya ûcio ûtûmaga mwîtîîe. Gûtikethîrwa na mbura na gûtirî irio igaakûra vûrûrirî wenyu.

Amosi 2:12

Nwatî nîmwatûmire Anazari manyue ndivei, na makîatha arathi matikarathe.

Amosi 2:8

Mamamaga vakuvî na metha ya kîgongoona, na makamamîra nguo irîa macunîte athîni nîguo irûngamîrîre thirî wao. Manyunyagîra ndivei hekarûrî ya Ngai wao, îrîa matavîte andû maremwa nî kûrîva mathiirî.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.

Amosi 6:6

Mûnyunyaga ndivei na mbakûri, na mûkevaka maguta manungi waro mûno, nwatî mûtiîgucaga kîeva nîûndû wa gûcûkangua gwa Isiraeli.

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”