Isaia 27:8 - ÎVUKU RÎA ÛVORO MWARO

⁸ Aaverithirie andû ake na njîra ya kûmavira îthamîriorî. Rîrîa kwarî na rûkûngi rûnene rwa mwena wa îrathîro, nîwamavonokirie kuuma kûrî rûkûngi rûnene.

Isaia 27:8 ပူးပေါင်းရင်းမြစ်များ

Ayubu 23:6

Ngai nîangîatûmîre vinya wonthe wake gûciira nanie? Naarî, nîangîanthikîrîrie.

Thaburi 103:14

Nîûndû nîaicî ûrîa tûmbîtwe; nîaicî atî tûrî rûkûngû.

Thaburi 103:9

Ndagaatûgûkagia vîndî cionthe, kana atûûra arakarîte tene na tene.

Thaburi 38:1

We Ngai-Mûnene, ndûkangûkie ûrî na marakara; kana ûmverithie ûrî na marûrû!

Thaburi 6:1

Ûûi Ngai-Mûnene, ndûkanganie ûrî na marakara! Ndûkamverithie ûrî na marûrû!

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Isaia 1:5

Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 54:7

“Nagûtiganîrie kavinda kanini tu, nwatî nîngaagûcokanîrîria ngîkwîgucagîra ntha nyîngî mûno.

Isaia 57:16

Nîûndû ndigûtûûra ngararanagia tene na tene, kana ndûûre ndakarîte nîo vîndî cionthe. Nîûndû nîngîka ûguo, andû onthe nwa makwire, andû arîa nie naveere mwoyo.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Jeremia 10:24

We Ngai-Mûnene, nûnga na njîra îrîa îmbagîrîrîte, ndûkamverithie ûrî na marakara nîûndû navota kûthira.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 4:11

Vîndî îo andû a Jerusalemu nîmakerwa atîrî, “Rûkûngi rûrî na ûrugarî mûnene nîrûravurutana kuuma werûrî rûkîte kûrî andû akwa. Tî rûkûngi rwa kûgûrûkia macaki kana kûtheria.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 46:28

Ngai-Mûnene arauga atî: ndûgetigîre we Jakovu ndungata yakwa, nîûndû nîrî vamwe nawe. Nîngacûkangia mavûrûri monthe mathire, kûrîa kuonthe nakûnyaganîrie, nwatî we ndigaagûcûkangia ûthira. Nîngakûverithia ûrîa kwagîrîrîte, ndigaagûtiga ndakûverithîtie.”

Maca 3:31

Ngai-Mûnene ndagaatûtiganîria tene na tene,

Maca 3:32

wana ethîrwa nîatûmaga twîgue kîeva: ke arî ntha nîûndû wa wendo wake mwîngî ûtathiraga.

Ezek 19:12

Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

1Pet 1:6

Kenani nîûndû wa ûguo, wana ethîrwa kûrî na vata wa mûgîe na kîeva kavinda kanini nîûndû wa magerio ma mîthemba mîîngî marîa maramûthînia.