Isaia 27:4 - ÎVUKU RÎA ÛVORO MWARO

⁴ Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Isaia 27:4 ပူးပေါင်းရင်းမြစ်များ

2Sam 23:6

Nwatî andû arîa matetigîrîte Ngai methagîrwa mekariî ta mîgua îrîa îtecagwa, nîûndû gûtirî mûndû ûngîmînyita na njara ntheri.

2Sam 23:7

Mûndû akîmînyita nwanginya avûthîre kîndû kîthondeketwe na cuuma kana mûtî wa îtumû, nacio nwanginya ivîvue viû na mwaki.

Thaburi 103:9

Ndagaatûgûkagia vîndî cionthe, kana atûûra arakarîte tene na tene.

Thaburi 85:3

Nîûthirîtie marakara maku monthe, nîûtigîte kûgîa na marakara marûrû.

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 33:12

Andû mageekara takwa mavîvîtue magatuîka mûu, kana ta mîgua îtemetwe îkavîvua na mwaki.

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Malaki 4:3

Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Ahib 6:8

Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.