Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.
Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’
Gûgaatigara andû anini, ta mûtamaiyû ûrî mûkethe, ûgatigara na ndamaiyû igîrî kana ithatû rûvûarî rwa îgûrû, kana mûtî wa matunda ûkethetwe, ûgatigara matunda mana kana matano mvûarî cia guo. Nie Ngai-Mûnene, Ngai wa Isiraeli, nînie nauga ûguo.”
Nwatî andû anini enyu nîmakavonoka gîkuû na maume Misiri macoke Juda. Na andû onthe a Juda arîa maatigarîte na maathiîte gûtûûra Misiri, nîmakaamenya nî ciugo ciao kana nî ciakwa ciama.
“Naamûruta kûrî ndûrîrî na mavûrûri marîa mûnyaganîrîtie na nîmûrete vamwe, nîngaamwamûkîra mûrî ta îgongoona rîrî na mûnungo mwaro wa kûngenia, nacio ndûrîrî nîikoona ûthingu wakwa.
“Mwena wa îveti, ûkaauma Tamarû ûthiî kinya ithimarî cia Meribathi Kadeshi. Ûcoke ûrûmîrîre mûvaka wa vûrûri wa Misiri kûthiî îriarî rîa Mediterania. Ûcio nîguo ûgaatuîka mûvaka wa mwena wa îveti.
Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.
na ûkathiî nginya îtûûrarî rîa Azimoni. Kuuma îtûûrarî rîa Azimoni wathiîcanîtie na karûnjî kaarî mûvakarî wa Misiri na ûkarîkîra îriarî rîa Mediterania. Ûcio nîguo warî mûvaka wa vûrûri wa Juda wa mwena wa îveti.