Isaia 26:8 - ÎVUKU RÎA ÛVORO MWARO

⁸ We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Isaia 26:8 ပူးပေါင်းရင်းမြစ်များ

2Sam 23:5

Ûguo nîguo Ngai akaarathima njiarwa ciakwa, nîûndû nîwathondekire kîrîkanîro Kîam gûtûûra tene na tene nanie, kîrîkanîro kîu nî kîrûmu na gîtingîcenjekia. Ûndû ûcio nîguo nîîriragîria; nîûndû nîguo ûgaatuîka ûvootani wakwa, Ngai nîagaatûma ûndû ûcio ûvinge.

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 130:5

Mbetagîrîra Ngai-Mûnene na mwoyo wakwa wonthe, na nîîvokaga kiugo gîake.

Thaburi 18:23

Ke nîaicî, atî nie ndirî na mavîtia, na atî nînîthemete gwîka maûndû macûku.

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Thaburi 65:6

Nîwavandire irîma varîa irî na vinya waku, na ûkîonania ûvoti waku mûnene.

Thaburi 73:25

Nîûrîkû wîngî nîrî nake îgûrû tiga we? Gûkû nthî gûtirî kîndû mendete tiga we.

Thaburi 84:2

Nînîrerirîria gûtûûra hekarûrî ya Ngai-Mûnene. Ngoro na mwîrî wakwa wonthe nîcinagîra Ngai ûrîa ûtûûraga mwoyo ikenete.

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Rwîmbo rwa Nyîmbo 5:8

Mue aka a Jerusalemu, namûthaitha, mwona mwendwa wakwa mwîreni nîrî mûrwaru nî wendo.

Isaia 12:4

Mûthenya ûcio nîmûkaaina atîrî, “Cokeriani Ngai-Mûnene ngatho! Mûvoeni mûkîgwetaga rîîtwa rîake. Menyithiani mavûrûri maûndû marîa ekîte, na mwanîrîre atî rîîtwa rîake nî rînene.

Isaia 24:15

Kwoguo mue mûtûûraga mwena wa îrathîro kumiani Ngai-Mûnene. Arîa mûtûûraga ndeererî cia îria kumiani Ngai-Mûnene, Ngai wa Isiraeli.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 26:13

Ûûi Ngai-Mûnene, Ngai wetû, nîtwathagwa nî athani engî, nwatî we wenga tu nwawe twicî.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 33:2

Ûûi Ngai-Mûnene, twîguîre ntha; we nîwe twîkaraga twîrîgîrîrîte. Tuîka vinya wetû mîthenya yonthe, na ûtûvonokagie vîndî ya thîna.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 56:1

Ngai-Mûnene arauga atîrî, “Rûmagîrîrani kîvooto na mwîkage maûndû ma ûthingu, nîûndû nîrî vakuvî gûka kûmûvonokia, ûthingu wakwa ûrî vakuvî kûguûranîrua.

Mika 4:5

Wa vûrûri ûgoocaga na ûkathîkîra ngai ya guo, nwatî tue tûkaagoocaga na tûkathîkîra Ngai-Mûnene, Ngai wetû tene na tene.

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Ndari 36:13

Mau nîmo Maathani na mawatho marîa Ngai-Mûnene aaveere andû a Isiraeli na njîra ya Musa marî kûndû kûrîa kwaraganu kwa Moabu mûringo wa rûnjî rwa Jorodani vakuvî na îtûûra rîa Jeriko.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Ciîko 1:4

Na arî vamwe nao nîwamaathire atîrî, “Mûtikaume Jerusalemu, nwatî etererani kîveo kîrîa naamwîrire ûvoro wakîo, kîveo kîrîa vava aamwîrîîre.

Aroma 8:25

Nwatî ethîrwa nîtwîrîgagîrîra kîrîa tûtakwona, nîtûgîetagîrîra tûkirîrîrîtie.

2Ath 3:5

Mwathani aromûtongoria nîguo mûmenye mûno wendani wa Ngai na ûkirîrîria ûrîa ûvecanagwa nî Kristû.