Isaia 26:11 - ÎVUKU RÎA ÛVORO MWARO

¹¹ Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 26:11 ပူးပေါင်းရင်းမြစ်များ

Ayubu 34:27

nîûndû nîmatigîte kûmûrûmîrîra, na makaregana na watho wake.

Thaburi 10:12

We Ngai-Mûnene, verithia andû arîa aganu, ndûkariganîrwe nî andû arîa mavinyagîrîrua!

Thaburi 21:8

Mûthamaki nîakaanyita nthû ciake cionthe, nîakaanyita andû onthe arîa mamûmenete.

Thaburi 28:5

Matitîîaga maûndû marîa Ngai-Mûnene ekîte, kana indo irîa aaûmbire, kwoguo nîakaamaverithia, na amacûkangie tene na tene.

Thaburi 78:63

Anake ao nîmaaûragîrwe mbaararî, na erîtu ao magîtura anake a kûmavikia.

Thaburi 86:17

Îka ûndû wa kûmonia wega waku we Ngai-Mûnene, nîguo arîa manthûrîte mone na maconoke, nîûndû we, Ngai-Mûnene nîûndethetie na ûkanyûmîrîria.

Ntha 9:14

Vîndî îno ngaakûverithia, ndûme îvera kûrî anene aku na kûrî andû aku. Nawe nîûkaamenya atî gûtirî wîngî wîkariî tanie nthî yonthe.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 11:13

Wîru wa Efiraimu kûrî Juda nîûkaathira, na Efiraimu na Juda matikethîrwa marî nthû rîngî.

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 37:32

Nîûndû nîgûkaagîa na andû magaatigara kûu Jerusalemu, nakuo Kîrîmarî gîa Zayuni nîgûkethîrwa na andû anini makethîrwa matigarîte. Ngai-Mûnene mwene vinya wonthe nîavangîte gwîka ûguo.

Isaia 42:13

Ngai-Mûnene aumagarîte ta njamba îrî vinya, evarîrîtie kûrûa ta mûthigari arî mbaararî. Nîaraugîrîria, aranîrîra na mûgambo mûnene, na nîareyonania arî na vinya gûkîra nthû ciake.

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Isaia 59:17

Nîekîra ûthingu takwa arî guo ngo ya kwîgitîra kîthûri, na ekîre ûvonokio kîongorî gîake ta ngovia ya kûgitîra kîongo. Nîeîkîra wîrîvîrîria ta nguo, na eyove wîru ta mûcivi.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 44:28

Nwatî andû anini enyu nîmakavonoka gîkuû na maume Misiri macoke Juda. Na andû onthe a Juda arîa maatigarîte na maathiîte gûtûûra Misiri, nîmakaamenya nî ciugo ciao kana nî ciakwa ciama.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Mika 5:9

Andû a Isiraeli nîmakaavoota nthû ciao, na maithirie cionthe.”

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Mika 7:16

Nacio ndûrîrî ciona maûndû mau nîigaaconoka, wana ethîrwa marî na vinya. Nîmakaanyitwa nî kîmako na makunîke tûnyua twao na makire ta andû mategucaga.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Luka 16:23

Rîrîa Kîamthînîkaga kîrî îcuarî, nîkîaroririe na îgûrû na gîkîona Iburahimu na Lazaro marî varaca na mekaranîrîte.

Ciîko 28:27

nîûndû ngoro cia andû aya nî nyûmû, na nîmakunîkîte matû mao, na makavinga metho mao. Kethîrwa tî ûguo metho mao nî mangîrona, na matû mao nîmangîregua. Namo meciria mao nîmangîrî gûtaûkîrwa, makanjokerera, nanie ngamavonia.’

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 10:27

Vandû va ûguo ûndû ûrîa ûtigarîte nî gweterera tûrî na guoya îtuîro na mwaki mûnene ûrîa ûkaathiria arîa makararagia Ngai.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.

1Sam 6:9

Namue mwîkare mûkîroretie ûrîa gîkûthiî. Ethîrwa nîkîthiî kîerekerete îtûûra rîa Bethi-shemeshu, ûguo nî kuga atî Ngai wa Aisiraeli. Nî ûtûmîte twîthîrwe tûrî na mathîna mana. Nwatî ethîrwa tî kîthiî kîerekerete îtûûra rîu, nîtûkûmenya atî tîke watûretere mûthiro, nwatî nî ûndû wa gûka wa ûguo tu.”