Isaia 26:1 - ÎVUKU RÎA ÛVORO MWARO

¹ Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 26:1 ပူးပေါင်းရင်းမြစ်များ

Ezira 3:11

Nîmaainire nyîmbo cia gûkumia Ngai-Mûnene makiugaga atîrî, “Ngai-Mûnene nî mwaro, wendo wake ûtathiraga kûrî andû a Isiraeli nî wa tene na tene.” Andû onthe nîmaaugîrîrie na vinya wata ûrîa mangîavotire, magîkumagia Ngai-Mûnene nîûndû wîra wa gûtuma mûcingi wa hekarû nîwambîrîrîtue.

Thaburi 31:21

Ngai-Mûnene arokumua, nîûndû nîamonetie wendo ûtathiraga na njîra ya magegania, rîrîa naarigicîrîtue ta îtûûra rîkîtharîkîrwa!

Thaburi 48:12

Andû a Ngai, thiûrûrûkani îtûûra rîa Zayuni, na mûtare nyomba ndaca cia rîo;

Thaburi 48:4

Nîûndû athamaki nîmaagomanire vamwe, na nîmathiîte kûtharîkîra Kîrîma gîa Zayuni.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 31:5

Wata ûrîa gîconi kîreraga îgûrû rîa kîomba gîa kîo, nwaguo Ngai-Mûnene mwene vinya wonthe akaagitîra îtûûra rîa Jerusalemu; nîakaarîgitîra na arîkûûre, arîmenyerere na arîvonokie.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 33:5

Ngai-Mûnene nî mûnene, ke atûûraga îgûrû; nîagecûria Zayuni na kîvooto na ûthingu.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 5:1

Ta minîre mwendwa wakwa rwîmbo, mwendwa wakwa aarî na mûgûnda wa mîthavibu, mûgûnda warî kîrîmarî Kîamrî na mûthetu mûnoru mûno.

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 62:10

Andû a Jerusalemu umagarani mûthiî na kûu nja ya îtûûra, thondekerani andû enyu njîra arîa macokete! Thondekani varavara na mûthengutie mathiga monthe kuo, vandani ivaû nîguo andû a ndûrîrî mone.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Ezek 40:5

Nînoonire hekarû îthiûrûrûkîrîtue na rûthingo. Mûndû ûrîa noonete, nîwocire kîthimi gîa kamûtî ka ûraca wa mita ithatû na akîthima rûthingo nako. Rûthingo rûu rwarî rwa mita ithatû (3) kûthiî na îgûrû na ûtungu wa rûthingo warî mita ithatû (3).

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:9

Ngai-Mûnene nîke ûkaarûa nao na nîmagaatavwa nî andû arîa maarî ngombo ciao.” Vîndî îo nîmûkaamenya atî Ngai-Mûnene, mwene vinya wonthe nîke ûndûmîte.

Ndari 21:17

Vîndî îo andû a Isiraeli nîmaainire atîrî, “Kîthima nîkîauma manjî, nîtûkûngûîre.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.