Isaia 25:8 - ÎVUKU RÎA ÛVORO MWARO

⁸ Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 25:8 ပူးပေါင်းရင်းမြစ်များ

Thaburi 116:8

Ngai-Mûnene nîwamvonokirie kuuma gîkuûrî na akangiria methori, na nîanyitîrîrîte ndikagwe.

Thaburi 69:9

Wendo ûrîa mendete nyomba yaku nîguo ûranthiria; irumi irîa makûrumaga nînie inyitaga.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 37:3

Nao nîmeerire Isaia atîrî, “Hezekia augîte atî, ‘Ûmûnthî nî mûthenya wa kîeva, wa kûrumana, na wa gûconorithua. Twîkariî ta mûndûmûka akîenda gûciara mwana, nwatî ndarî na vinya wa gûciara.

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Isaia 60:15

Wana ethîrwa nîwatiganîrîtue na ûkamenwa, na andû onthe makaûraga nîwe, vandû va ûguo nîngaagûtua ûgîe na riiri tene na tene, kûndû kwa gûkenagîrwa nî njiarwa cionthe.

Isaia 61:7

Nîûndû wa ûrîa mwaconorithirue mûkaarîvwa maita maîrî, nîûndû wa kûrega gûtîîwa nîmûgaakenera îgai rîenyu, kwoguo nîmûgaatûûra vûrûrirî wenyu, na ûtonga wenyu wongerereke maita maîrî, na mûtûûre mûkenete tene na tene.

Isaia 65:19

“Nanie nîngaakenaga nîûndû wa Jerusalemu, na ngenagîre andû akwa. Kûu Jerusalemu gûtigaacoka kwîguwa mûgambo wa kîrîro wana kana wa kîeva.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Luka 1:25

“Rîu Mwathani nîandethetie na akanthengutîria gîconoko gîakwa mbere ya andû!”

1Akor 15:26

Gîkuû nîkîo gîkethîrwa kîrî nthû ya mûthiia îrîa îkaavootwa.

1Akor 15:54

Kwoguo vîndî îrîa mwîrî ûrîa woraga ûkaagarûrûka ûtuîke mwîrî ûrîa ûtoraga, na mwîrî ûrîa ûkucaga naguo ûgarûrûke ûtuîke mwîrî ûrîa ûtakucaga, mandîko matheru nîmakaavingua marîa maugîte atîrî: “Gîkuû nîgîcûkangîtue, ûvootani nî mûkinyanîru!”

2Tim 1:10

Nwatî rîu nîtûguûrîrîtue guo na njîra ya gûka kwa mûvonokia wetû Kristû Jesû. Ke nîathirîtie vinya wa gîkuû. Na na njîra ya ûvoro mwaro ûrîa aavunjirie, nîatûmenyithîtie ûvoro wa mwoyo wa tene na tene.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

Kûguû 20:14

Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”