Isaia 25:11 - ÎVUKU RÎA ÛVORO MWARO

¹¹ Nîmakaambararia njara ciao ta mûndû akîgeria kûthambîra, nwatî Ngai-Mûnene nîakaathiria mwîtîîo wao vamwe na wara wao

Isaia 25:11 ပူးပေါင်းရင်းမြစ်များ

Ayubu 40:11

Îtûrûrîra andû marakara maku manene, roria arîa onthe etîi na ûmagwîthie.

Thaburi 2:5

Nîacokete akamarîria arî na marakara, na akameguithia guoya akameera atîrî,

Isaia 10:33

Taroria, Ngai-Mûnene mwene vinya wonthe akaamarivania nthî ta ûrîa mvûa cia mûtî irivanagua ciatemwa; njamba irîa nene nîigaatemwa igwe nthî, nao arîa etîi nîmagaaconorithua.

Isaia 13:11

Ngai-Mûnene arauga atîrî, “Nîngaaverithia nthî nîûndû wa waganu wayo, na mverithie andû arîa aganu nîûndû wa mevia mao. Nîngaathiria mwîtîîo wa andû arîa eyambî, na nthirie mwîcaaro wa andû arîa matarî ntha.

Isaia 14:26

Ûyû nîguo mûvango ûrîa mvangîrîte nthî yonthe; na rîîrî nîrîo îvera rîrîa ngaaverithia mavûrûri monthe narîo.”

Isaia 16:14

Nwatî rîu Ngai-Mûnene arauga atîrî, “Vuva wa mîaka îthatû, ta îrîa îtaragîrwa mûruti wa wîra, riiri wa Moabu nîûkaathira. Wana ethîrwa andû a kuo nî eengî, nî andû anini tu magaatigara na matarî na vinya.”

Isaia 16:6

Andû a Juda maugaga atîrî, “Nîtwîguîte ûrîa andû a Moabu marî ecaari, nîtwîcî ûrîa maarî etîi mûno. Nîtwîcî ûrîa marî rûng'athio, mwîkumio na metûûgagîria; nwatî mwîtîîo ûcio wao nî wa mana.”

Isaia 2:10

Tonyani îthigarî na mwîthithe marimarî, nîguo mûrîre marakara ma Ngai-Mûnene na riiri wa vinya wake!

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:15

Nîakoomomora nyomba cionthe irîa ndaca, wana nthingo cionthe cia vinya cia kwîgitîra.

Isaia 25:5

nîta ûrugarî ûrî kûndû kûnyaru. Nwatî we nîûthirîtie înegene rîa ageni; ta ûrîa kîruru gîa îtu kîthiragia ûrugarî, nwaguo ûthiragia nyîmbo cia arîa matarî ntha.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 48:29

Nîtwîguîte ûrîa andû a Moabu marî etîi. Nîtwîguîte ûrîa marî ecaari, eyongi na ethûnûri, na ûrîa metucaga na ngoro atî nî aro.

Jeremia 48:42

Andû a Moabu nîmagacûkangua matige gûtuîka rûrîrî, nîûndû nîmenenevirie gûkîra Ngai-Mûnene.

Jeremia 48:47

Nwatî vuvarî nîngacokeria Moabu mûnyaka wake. Ûguo nîguo Ngai-Mûnene arauga.” Rîu nîrîo îtuîro rîa vûrûri wa Moabu.

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Akol 2:15

Na mûtharavarî ûcio nîvo Kristû eetethûrire kuuma kûrî maavinya ma maaroho marîa maathamakaga na maathanaga. Ke nîwamanyûrûririe na njîra ya kûmatongoria mbere ya andû na wa vo akîonania atî aarî na ûvootani îgûrû rîa maroho na maavinya mau.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”