Isaia 24:3 - ÎVUKU RÎA ÛVORO MWARO

³ Nthî nîgaacûkangua yanangîke viû; nîûndû Ngai-Mûnene nîaugîte guo.

Isaia 24:3 ပူးပေါင်းရင်းမြစ်များ

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Isaia 21:17

Andû arîa njamba maikagia mîguî a ciana cia Kendari, nî andû anini tu gatagatîrî kao magaatigara. Nie, Ngai-Mûnene, Ngai wa Isiraeli, nînie nauga ûguo.”

Isaia 22:25

Ngai-Mûnene mwene vinya wonthe augîte atîrî, ‘Rîrîa mûthenya ûcio ûgaakinya, mûcumarî ûrîa wamundîrîrîtwe vandû na kinyi nîûkagûka. Nîûkagûka na ûgwe nthî, naguo mûrigo ûrîa wenyitîrîrîte mûcumarîrî ûcio nîûkaagwa. Nie, Ngai-Mûnene nînie nauga ûguo.’ ”

Isaia 24:1

Taroria, Ngai-Mûnene nîakûthiria nthî na îtigwe îrî ntheri. Akaamîng'aûrania anyaganie arîa matûûraga kuo.

Isaia 24:2

Andû onthe nîmakaanyitwa nî maûndû mau: ûrîa gûgekara kûrî andû arîa engî, nwaguo gûgekara kûrî athînjîri-Ngai; kûrî ngombo, na kûrî mûmîathi; kûrî ndungata ya mwîrîtu, na kûrî mûndûmûka mûmîathi; kûrî mûgûri wa indo, na kûrî mwendia wa indo; kûrî mûvecani, na kûrî mûvewa; kûrî mûkovi wa kîndû, na kûrî mûkovithania.

Isaia 24:4

Nthî nîîkwara indo cionthe ciûme; mavûrûri ma nthî nîmaratangîka na makathirwa nî vinya; îgûrû na nthî nî ithirîte vinya.

Isaia 42:22

Nwatî aya nî andû aîe indo na magatavwa, onthe nîanyitîre marimarî nî mûtego na makathithwa njeera. Mekariî ta nyamû iguîmîtwe matarî na mûndû wa kûmavonokia, Nî atave na gûtirî wa kuga atî: “Nîmacokue kwao!”

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 13:15

Mue andû a Isiraeli tegani matû mwîgue, mûtigetîîe ûguo nîguo Ngai-Mûnene augîte.

Ezek 36:4

Kwoguo, Mue irîma cia Isiraeli, thikîrîriani ûrîa Ngai-Mûnene akûmwîra mue irîma namue tûrîma, mue nyûnjî na cianda; wana kûndû kûrîa gûtigîtwe kûrî werû na matûûra marîa mathame, nîmûtavîtwe na mûgatuîka kîndû gîa kûthekererwa nî mavûrûri marîa mengî mamûthiûrûrûkîrîtie.

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Gûco 29:28

Ngai-Mûnene nîwarakarire mûno nî o, na nîwamarutire vûrûrirî wao na akîmavira vûrûrirî mûgeni, na nîkuo matûûraga nginya ûmûnthî.’