Isaia 24:20 - ÎVUKU RÎA ÛVORO MWARO

²⁰ Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 24:20 ပူးပေါင်းရင်းမြစ်များ

Kîam 41:31

Yûra nî rîkethîrwa rîrî îcûku mûno nginya andû mariganîrwe nî mîaka îrîa yarî ya maketha vûrûrirî ûcio.

Ayubu 12:25

Mathiîcaga makînyitanyitaga ndumarî, na magatûgûga ta mîrîu.

Thaburi 107:27

Maavîngirwe na magîtûgûgana ta mîrîu, na makîthirîrwa nî wara wa gwîtethia naguo.

Thaburi 38:4

Mevia makwa nî meengî mûno, manditûvîrîte ta mûrigo na ndingîvota kûmakuua.

Isaia 1:28

Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 1:8

Îtûûra rîa Zayuni rîtigîtwe rîrî rîonga, ta kanyomba ka mûrangîri karî mûgûndarî wa mîthavibu, kana kanyomba karî mûgûndarî wa marenge, ta îtûûra rîrî rîrigicîrie.

Isaia 19:14

Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.

Isaia 24:1

Taroria, Ngai-Mûnene nîakûthiria nthî na îtigwe îrî ntheri. Akaamîng'aûrania anyaganie arîa matûûraga kuo.

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Isaia 29:9

Îritieni na mûtuîke irimû! Vingani metho na mûtuîke ndumumu! Rîwani, nwatî mûtikarîwe nî ndivei; tûgûganani, nwatî mûtigatûgûgithue nî njovi ndûrû!

Isaia 38:12

Nîrî mûthengutie kûrîa ndûûraga, ta ûrîa îgema rîa mûrîthi rîtharagua, Ngai akûnjîte ûtûûro wakwa; ta ûrîa mûtumi wa nguo akûnjaga gîtambaa agîtinia kuuma ngorarî, mûthenya na ûtukû we nîûnyamaragia.

Isaia 43:27

Îthe waku wa mbere nîwevirie; nao arîa maakwaragîrîria nîmaareganire nanie.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 4:24

Nînaroririe irîmarî na ngîona ikinaina, wana tûrîma tuonthe tûkinaina.

Jeremia 51:29

Nthî nîîratetema na îkainaina nîûndû wa ûrûrû, nîûndû ûrîa Ngai-Mûnene avangîte gwîka Babuloni nwa nginya eke, atûme vûrûri wa Babuloni ûtuîke werû, kûndû gûtatûûragwa nî andû.

Jeremia 8:4

Ngai-Mûnene ambîrire mbîîre andû ake atîrî, “Rîrîa arûme magwa, kinthî matiûkagîra rîngî? Mûndû angîvîtia njîra, kinthî tîkwa agarûrûkaga?

Maca 1:14

“Nîwatarire mevia makwa monthe, na akîmovania monthe vamwe. Nîwamoverere ngingorî yakwa, ngîthira vinya nîûndû wa ûrito wa mo. Mwathani nîwandekererie njararî cia nthû ciakwa, irîa ndangîavotire gwîtirîria.

Danieli 11:19

Nî akaagarûrûka acoke vûrûrirî wake ûrîa mwirigîre na rûthingo rwa vinya, nwatî nî akaavootwa na ndakeguîka rîngî.

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.