Isaia 24:19 - ÎVUKU RÎA ÛVORO MWARO

¹⁹ Nthî nî manangîku viû, nthî nî mbatûkangu, nthî nîrathingitha na vinya mûno.

Isaia 24:19 ပူးပေါင်းရင်းမြစ်များ

Thaburi 75:3

Nthî nîkainaiana na indo cionthe irîa irî kuo, nie nînie nyitagîrîra mîcingi yayo.

Isaia 13:13

Kwoguo nîngaatûma îgûrû rinaine, na nthî nîkaathingitha yume vandû va yo, mûthenya ûrîa nie, Ngai-Mûnene mwene vinya wonthe, ngonania marakara makwa manene.

Isaia 2:19

Andû nîmagaatonya ngurungarî cia mathiga, na matonye marimarî ma nthî, nîguo maûrîre marakara ma Ngai-Mûnene, na vinya wa riiri wake, rîrîa agaaûka kûmakia nthî.

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Habakuku 3:6

Aarûngamire nthî îkinaina, aaroririe mavûrûri makîthingitha. Irîma cia tene na tene nîcianyaganirue, tûrîma tûrîa tûtûûraga tene na tene nîtwavaraganirue. Kûu nîkuo njîra ciake irî kuuma tene na tene.

Ndari 16:31

Rîrîa Musa aarîkirie kwaria maûndû mau monthe, vau nthî varîa Dathani na Abiramu maarî, nîvaatûkire

Ndari 16:32

na makîmerua marî na andû a nyomba ciao vamwe na arûmîrîri onthe a Kora na indo ciao cionthe.

Mathaayo 24:3

Vîndî îrîa Jesû eekarîte nthî kîrîmarî Kîam mîtî ya mîtamaiyû îrîa îciaraga matunda, arutwa ake nîmaathiîre kûrî ke marî oonga na makîmwîra atîrî, “Ta twîre atîrî, maûndû mama monthe mageekîka rî, na nîndûî gîgaatwonia atî îvinda rîa gûka gwaku na rîa îthirîro rîa nthî nîrîkinyu.”

Gûco 11:6

Nîmwonire maûndû marîa eekire Dathani na Abiramu, avîcî a Eliabu a mûvîrîga wa Reubeni. Nthî nîyathamirie andû onthe a Isiraeli makîonaga na îkîmeria andû acio onthe wa vamwe na andû onthe a mîciî yao, magema mao, ndungata ciao na nyamû ciao cionthe.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

2Pet 3:12

wa mûgîetagîrîra na mûkîîriragîria mûno Mûthenya wa Ngai ûkinye. Vîndî îrîa Mûthenya ûcio ûgaaûka, îgûrû nîrîkaavîvua na mwaki rîthire, nacio ciûmbe cionthe irîa irî îgûrû ivîe nî mwaki irarûke.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.