Isaia 24:13 - ÎVUKU RÎA ÛVORO MWARO

¹³ Ûguo nîguo gûgekara mavûrûrirî monthe ma nthî, wata ûrîa mûtamaiyû wîkaraga maketha mathira, gûtigaraga ndamaiyû nini cia mûthiia, nwaguo gûgaatigara andû anini marî mwoyo.

Isaia 24:13 ပူးပေါင်းရင်းမြစ်များ

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 17:4

“Mûthenya nîûgaakinya, rîrîa riiri wa Isiraeli ûkaanyivanyivua, na ûtonga wa kuo ûthire.

Isaia 27:12

Mûthenya ûcio Ngai-Mûnene nîakaaûngania maketha make kuuma rûnjîrî rwa Farati nginya karûnjîrî ka Misiri, namue andû a Isiraeli nîmûkaaûnganua ûmwe kwa ûmwe.

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Jeremia 44:28

Nwatî andû anini enyu nîmakavonoka gîkuû na maume Misiri macoke Juda. Na andû onthe a Juda arîa maatigarîte na maathiîte gûtûûra Misiri, nîmakaamenya nî ciugo ciao kana nî ciakwa ciama.

Ezek 7:16

Andû arîa makaavonoka nîmakaaûra na mathiî magekarage irîmarî, magîcayaga ta ndutuura cia ciandarî, wa mûndû nîûndû wa mevia make.

Alawi 19:9

“Rîrîa mûgûketha maketha ma mîgûnda yenyu, mûtigakethage irio irîa irî mîthiiarî ya mîgûnda, na mûtigacokage kûngania irio irîa îgaatigara mîgûndarî.

Mika 2:12

“Nwatî nama mue andû a Jakovu nîngaamûgomania vamwe, nîngaûngania andû a Isiraeli arîa matigarîte, nîmagomanie vamwe ta ng'ondu irî Kîamgarî, ta ndîthia nene ya ng'ondu irî kîthakarî, nîmûgaatuîka gîkundi Kîam andû eengî,”

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.