Isaia 23:17 - ÎVUKU RÎA ÛVORO MWARO

¹⁷ Vuva wa mîaka mîrongo mûgwanja, Ngai-Mûnene nîagaacokerera îtûûra rîa Turo. Nwatî nîrîgacokerera wîra warîo wa kûvûra ûmaraa ta mbere na nîrîkaavûra ûmaraa na mavûrûri monthe ma nthî.

Isaia 23:17 ပူးပေါင်းရင်းမြစ်များ

Isaia 23:15

Îtûûra rîa Turo nîrîkaariganîra îvinda rîa mîaka mîrongo mûgwanja (70), îvinda ta rîrîa mûthamaki atûûraga mwoyo. Rîrîa mîaka mîrongo mûgwanja îkaathira, îtûûra rîa Turo rîkethîrwa rîkariî ta rwîmbo rwinaga rwa maraa rwinagwa atîrî,

Isaia 23:16

“Oca ngita yaku, ûthiûrûrûke îtûûra, we îraa rîîrî îriganîru! Ina nyîmbo irîa mbaro. Ina nyîmbo nyîngî, nîguo ûririkanwe rîngî.”

Jeremia 25:11

Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Ezek 16:25

Makathîkanorî ma njîra cionthe nîwetumire kûndû gûtûgîru na ûkîvûthîra ûthaka waku na njîra ya ûmaraa kûrî mûndû wa wonthe ûrîa wavîtûkaga, na njîra îo ûmaraa waku ûkîongerereka mûno.

Ezek 16:26

Nîwavûrire ûmaraa na andû a Misiri arîa mûriganîtie nao na makwîriragîria, ûmaraa waku nîwongererekire na ûgîtûma ndakare.

Ezek 16:31

Makathîkanorî ma njîra cionthe nîwetumîrîte kûndû gwa kûgoocagîra mîvuanano, na ivaarorî ûgatuma kûndû gûtûgîru. Ndwarûthaga ta mûmaraa nîûndû ndwetagia mbia.

Ezek 22:13

“Nîmbûrithanîtie njara ciakwa nîrî na marakara nîûndû wa indo irîa ûgîte nacio na njîra îtarî na kîvooto, wana nîûndû wa ûragani ûrîa wîkîtwe mbere yaku.

Mika 1:7

Mîvuanano yonthe ya ngai cia Samaria nîngaamiunanga tûcunjî, indo irîa ciarutagîrwa maraa ma hekarûrî nîikaavîvua na mwaki, na mîvuanano yonthe îtuîke ya mana. Nîûndû andû a Samaria maaûnganirie indo icio na njîra ya ûmaraa, na igaatûmîrwa kûrîva maraa.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Nahumu 3:4

Îtûûra rîa Nineve ûtuîkîte îraa. Ûthaka waku ûragucîrîria andû ta mîthega, watuire mavûrûri ngombo na njîra ya ûmaraa waku, na andû a ndûrîrî ûkîmatua ngombo na mîthega yaku.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Ciîko 15:14

Simioni nîwatwîra ûrîa Ngai mbere onanirie ûmenyereri wake kûrî andû a ndûrîrî. Ke eekire ûguo na njîra ya gwîta andû amwe kuuma gatagatîrî kao nîguo matuîke ake.

Gûco 23:18

Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

1Tim 3:8

Atungati a kanitha wa nao, nwa nginya methagîrwe marî na mîtugo mîaro na marî evokeku. Matiagîrîrwe nî kûnyua ndivei nyîngî kana gûkorokera mbeca.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”