Isaia 23:13 - ÎVUKU RÎA ÛVORO MWARO

¹³ Akalidei nîo maarekererie nyamû cia kîthaka itharîkîre îtûûra rîa Turo nwatî tî Asîria. Akalidei maatumire nyomba ndaca na îgûrû ithiûrûrûkîrîtie îtûûra rîu, makîomomora nyomba cia kuo na magîtiga îtûûra rîu rîrî îganjo.

Isaia 23:13 ပူးပေါင်းရင်းမြစ်များ

Kîam 11:28

Harani aakuîrîre Uri vûrûrirî wao wa Akalidei.

Kîam 11:31

Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.

Kîam 11:9

Îtûûra rîu rîetagwa Babeli, nîûndû kûu nîkuo Ngai-Mûnene aavîngîcanithirie nthiomi cia andû onthe, na kuuma vîndî îo Ngai-Mûnene nîwanyaganirie andû nthî yonthe.

Kîam 2:14

Naruo rûnjî rwa kathatû rwîtagwa Tigiri na rûnyûrûrûkaga rûthiîte mwena wa îrathîro wa Asîria. Rûnjî rwa kana rwîtagwa Farati.

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 20:12

Vîndî îo, mûthamaki wa Babuloni, Merodaki-baladani, mûvîcî wa Baladani nîwegwire atî mûthamaki Hezekia nî mûrwaru. Kwoguo nîwatûmire anjaama mamûvirîre ndûmîrîri ya kûmûmîrîria vamwe na kîveo.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Ayubu 1:17

Na rîrîa aaragia ndungata îngî nîyaûkire na îkîmwîra atîrî, “Akalidei mevangire ikundi ithatû na matharîkîra ngamîîra na macioca. Macoka maûraga ndungata ciaku. Nînie nienga tu ndigarire nîguo mbûke ngûmenyithie maûndû mama.”

Thaburi 72:9

Nthû ciake irîa itûûraga werûrî nîikenamîrîra mbere yake; nthû ciake nîikaîgwîthia nthî rûkûngûrî.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 10:7

Nwatî Asîria ndaarî na mworoto ûcio na tîguo eeciragia gwîka; nwatî eendaga gûcûkangia viû, na kûthiria mavûrûri meengî wata ûrîa kûngîvoteka.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 13:21

Vandû va ûguo, gûgaatûûrwa nî nyamû cia kîthaka, na nîkuo irwîgî igaatumaga ciomba ciacio. Nyaga nîcio igekaraga kuo, na mbûri cia kîthaka irûgarûgage kuo.

Isaia 18:6

Ciimba cionthe cia athigari arîa njamba igaatigwa irîmarî, irîwe nî iconi na nyamû cia kîthaka. Iconi irîa irîcaga nyama ikaairîa vîndî ya riûa, nacio nyamû cia kîthaka ikaairîa vîndî ya mvevo.”

Isaia 43:14

Ngai-Mûnene Mûkûri wenyu Ûrîa Mûtheru wa Isiraeli arauga atîrî, “Nîngûtûma athigari a mbaara kûu Babuloni nîûndû wenyu, na nîngaaunanga ivingo cionthe cia îtûûra rîu, na gîkeno Kîam Akalidei nîgîgaatuîka macakaya.

Ezek 23:23

Ngaatûma andû magûkîrîre kuuma Babuloni na Kalidei, andû kuuma Pekodi, Shoa na Koa, na andû onthe a Asîria. Ûgaaûkîrîrwa nî anake onthe arîa athaka wa vamwe na atongoria, anene a athigari a mbaara, na athigari njamba cia mbaara onthe mathiîte mekarîrîte mbarathi.

Ezek 29:18

“Mûndû, Nebukadinezarû mûthamaki wa Babuloni nîwavere athigari ake a mbaara wîra mûrito wa kûtharîkîra îtûûra rîa Turo. Ciongo ciao cionthe nîciathirire njuîrî nîûndû wa gûkuua mîrigo mîrito nacio ciande ciao igîcûnûka. Kûnarî ûguo, ke wana athigari ake matianyita kîndû gîa kûrîva wîra wa kûtharîkîra îtûûrarî rîa Turo.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Habakuku 1:6

Nîûndû nînîraringîrîra Akalidei, andû acio aganu ûguo na matarî ntha. Vûrûri ûcio ûvîtûkîrîrîte nthî yonthe, nîguo woce vûrûri ûtarî wao.

Ciîko 7:4

Kwoguo Iburahimu nîwaumire vûrûrirî wa Kalidei, na akîthiî gûtûûra Harani. Rîrîa îthe aakwire, Ngai nîwamûrutire kuo akîmûrete vûrûrirî ûyû mûtûûraga rîu.