Isaia 22:5 - ÎVUKU RÎA ÛVORO MWARO

⁵ Nîûndû ûmûnthî Ngai-Mûnene mwene vinya wonthe, nîatûreterete kîmako, gûcindwa na kîvîngîcî, gûkû Kîandarî gîa Kîoneki. Nthingo cia îtûûra nî nyomomore, na înegene rîa andû akuo nî rîreguîka nginya irîma.

Isaia 22:5 ပူးပေါင်းရင်းမြစ်များ

2Atha 19:3

Ndûmîrîri îrîa Hezekia aamaveere mavirîre mûrathi Isaia yaugaga atîrî, “Hezekia auga atî, ûmûnthî nî mûthenya wa kîeva, nî mûthenya wa kûrumwa na kûnyararwa. Twîkariî ta mûndûmûka akîenda gûciara nwatî ndarî na vinya wa gûciara.

2Atha 25:10

Athigari onthe a Babuloni arîa maarî vamwe na Nebuzaradani mûnene wa athigari nîmoomomorire nthingo irîa ciathiûrûrûkîrîtie Jerusalemu.

Esita 3:15

Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 22:1

Îno nî ndûmîrîri nene îgiî Kîanda gîa Kîoneki. Nîkwa kûrî na ndûî, rîu andû onthe maratwa nyomba îgûrû?

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 37:3

Nao nîmeerire Isaia atîrî, “Hezekia augîte atî, ‘Ûmûnthî nî mûthenya wa kîeva, wa kûrumana, na wa gûconorithua. Twîkariî ta mûndûmûka akîenda gûciara mwana, nwatî ndarî na vinya wa gûciara.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 63:3

Nake Ngai-Mûnene nîwacokirie atîrî, “Nakinyangire andû a ndûrîrî ta thavibu nîrî nienga, na gûtirî mûndû wandethirie. Namakinyangire nîrî na marakara na mang'ûrîka, na nthakame yao îgîtîkîra nguo ciakwa cionthe.

Isaia 63:6

Nînakinyangire andû a ndûrîrî nîrî na marakara, ngîtûma manyue mang'ûrîka makwa nginya makîrîwa, na ngîtûrûra nthakame yao nthî.”

Jeremia 30:7

Nama mûthenya ûcio nî mûnene, gûtirî mûthenya wîngî ta guo, nî mûthenya wa kîeva kûrî andû a Jakovu; kûnarî ûguo nîmakavonokua kuuma thînarî ûcio.”

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Maca 2:8

Ngai-Mûnene nîwatuîte omomore rûthingo rwa Zayuni, nîaithimîte na akoona atî nîaciomomorete cionthe. Nthingo na nyomba irîa ndaca na îgûrû ciomomokete ikamamanîra vamwe.

Ezek 7:7

Mue arîa mûtûûraga vûrûrirî ûyû, mûthiro wenyu nî ûkîte! Kavinda nî gakinyu, na mûthenya ûrî vakuvî; mûthenya wa thîna nwatî tî mûthenya wa kugîrîria na gîkeno irîmarî.

Hosea 10:8

Kûndû gwa kûvoera tûrîmarî twa Aveni, mevia ma Isiraeli, nîgûgaacûkangua. Mîgua na nthaugû nîkîikamera metharî ciao cia magongoona. Nao nîmakeera irîma, “Tûkunîkîre” na meere tûrîma atîrî, “Tûgwîreni!”

Mika 7:4

Ûrîa mwaro mûno ekariî ta ria, na ûrîa mwathîki mûno ekariî ta mûgûnda wa mîgua. Îvinda rîa kûverithua nî Ngai nî rîkinyu, na rîu nîavîngîcîku.

Zefania 1:15

Ûcio ûkethîrwa wî mûthenya wa marakara, nî mûthenya wa mathîna na marûrû, nî mûthenya wa nduma na kîeva, nî mûthenya wa gûcûkangua, nî mûthenya wa matu na nduma nene,

Mathaayo 24:16

Vîndî îo andû arîa makeethîrwa marî Judea nwa nginya maûre mathiî irîmarî.

Luka 23:30

Kavinda kau nîrîo andû makaambîrîria kwîra irîma atîrî, ‘Tûgwîreni!’ na macoke meere tûrîma atîrî, ‘Tûkunîkîreni!’