Isaia 22:25 - ÎVUKU RÎA ÛVORO MWARO

²⁵ Ngai-Mûnene mwene vinya wonthe augîte atîrî, ‘Rîrîa mûthenya ûcio ûgaakinya, mûcumarî ûrîa wamundîrîrîtwe vandû na kinyi nîûkagûka. Nîûkagûka na ûgwe nthî, naguo mûrigo ûrîa wenyitîrîrîte mûcumarîrî ûcio nîûkaagwa. Nie, Ngai-Mûnene nînie nauga ûguo.’ ”

Isaia 22:25 ပူးပေါင်းရင်းမြစ်များ

Thaburi 146:3

Ndûkaige mwîvoko waku kûrî anene, ndûkaige mwîvoko waku kûrî mûndû, ndangîkûvonokia.

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Isaia 22:23

Nîngaavanda Eliakimu na kinyi ta mûcumarî ûvûrîrîtwe vandû na nîakaavewa gîtîîo nî andû a nyomba ya îthe.

Isaia 22:24

“Nao andû ao onthe a mûciî wake, anini na anene nîmagaacuragîrîra kûrî ke ta thaburia na mbakûri icuurîtue mûcumarîrî.

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Isaia 48:15

Nie nînie naririe maûndû mau na ngîmwîta, nînie namûtongoririe na mûvango wake nîûkaavua.

Jeremia 4:28

Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Ezek 5:17

Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.