Isaia 22:15 - ÎVUKU RÎA ÛVORO MWARO

¹⁵ Ngai-Mûnene mwene vinya wonthe nîwambîrire atîrî, “Thiî kûrî Shebuna mûmenyereri wa mûciî wa mûthamaki na ûmûrie,

Isaia 22:15 ပူးပေါင်းရင်းမြစ်များ

1Atha 4:6

Ahisharu aarî mûnene wa ndungata cia mûthamaki, nake Adoniramu mûvîcî wa Abida nîke warî mûnene wa andû arîa maarutithagua wîra na vinya.

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

2Atha 18:18

Rîrîa maatûmanîre mûthamaki Hezekia, ndungata ciake ithatû nîcio ciathiîre kûrî o. Nacio ciarî: Eliakimu mûvîcî wa Hilikia, ûrîa wamenyagîrîra mûciî wa mûthamaki, Shebuna, mwandîki na Joa mûvîcî wa Asafu, ûrîa warî mûmenyereri wa mandîko.

2Atha 18:26

Eliakimu, Shebuna, na Joa nîmaacokire makîra Rabushake atîrî, “Twakûthaitha warie natue na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania nîûndû wana nthingo irî matû.”

2Atha 18:37

Eliakimu, Shebuna na Joa, nîmaacokire magîtembûra nguo ciao na marûrû, na makîthiî kûrî mûthamaki makîmwîra ûrîa Rabushake aaugîte.

2Atha 19:2

Nîwatûmire Eliakimu, mûmenyereri wa mûciî wa mûthamaki, Shebuna, mwandîki, na athînjîri-Ngai arîa akûrû, kûrî mûrathi Isaia, mûvîcî wa Amozu. Wanao meekîrîte nguo cia macakaya.

1Maû 27:25

Mama marûmîrîrîte nî marîîtwa ma andû arîa maamenyagîrîra ûtonga wa mûthamaki: Azamavethi mûvîcî wa Adieli aarî mûnene wa nyomba irîa ciaigagwa indo cia mûthamaki. Jonathani mûvîcî wa Uzia aarî mûnene wa nyomba cia kwigwa indo vûrûrirî, matûûrarî, icagirî na nyomba cia îgûrû.

Isaia 36:11

Eliakimu, Shebuna na Joa nîmaacokire makîra Rabushake atîrî, “Twakûthaitha warie natue ndungata ciaku na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania; nîûndû wana nthingo irî matû.”

Isaia 36:22

Vîndî îo Eliakimu mûvîcî wa Hilikia, mûmenyereri wa nyomba ya mûthamaki, Shebuna mwandîki na Joa, mûvîcî wa Asafu mûmenyereri wa mandîko, nîmaathiîre kûrî mûthamaki Hezekia matembûrangîte nguo ciao na makîmwîra ûrîa Rabushake aaugîte.

Isaia 36:3

Andû athatû nîmaathiîre kûmûtûnga: nao maarî; Eliakimu, mûvîcî wa Hilikia, mûmenyereri wa nyomba ya mûthamaki; Shebuna, mwandîki na Joa, mûvîcî wa Asafu, mûmenyereri wa mandîko.

Isaia 37:2

Nîwatûmire Eliakimu, mûmenyereri wa nyomba ya mûthamaki; Shebuna, mwandîki; na athînjîri-Ngai arîa akûrû mekîrîte nguo cia macakaya mathiî kûrî mûrathi Isaia, mûvîcî wa Amozu.

Ciîko 8:27

Kwoguo Filipu nîwaûkîrire na akîthiî. Na arî njîrarî nîwonire mûndû ûmwe wa kuuma Ethiopia warî ngaramba. Mûndû ûcio aarî wa vata mûno na waigaga mbeca cia mûndûmûka wathamakaga Ethiopia wetagwa Kandake. Mûndû ûcio aarî njîrarî enûkîte aumîte Jerusalemu kûgooca Ngai. Nake aathiîte ekarîrîte gîkaari gîake kîgucîtue nî mbarathi, akîthomaga mandîko kuuma îvukuurî rîa mûrathi Isaia.