Isaia 2:2 - ÎVUKU RÎA ÛVORO MWARO

² Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 2:2 ပူးပေါင်းရင်းမြစ်များ

Kîam 49:1

Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Thaburi 102:23

Ngai-Mûnene nîanyivîrîtie vinya nîrî mwîthî, nîanyivanyivîrîtie ûtûûro wakwa.

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 22:28

Nîûndû Ngai-Mûnene nîke mûthamaki, na nîke wathaga mavûrûri.

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Thaburi 87:1

Ngai-Mûnene nîatumîte îtûûra rîake îgûrû rîa kîrîma gîake kîtheru.

Thaburi 87:2

Ngai-Mûnene nî endete îtûûra rîa Zayuni mûno, gûkîra matûûra marîa mengî ma Jakovu.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 25:6

Kîrîmarî gîkî gîa Zayuni, nîkuo Ngai-Mûnene mwene vinya wonthe akaavarîrîria andû onthe kîrugo Kîam nyamû noru, ndivei îrîa mbaro ya kûvivwa, nyamû noru irî na maguta mavîndîrî na ndivei îno ntheru îvivîtwe waro.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 30:29

Nîmûkaaina nyîmbo ta irîa cinagwa vîndî îrîa kûrî na ûkûngûîri wa kîrugo Kîammûre. Mûgaacanjamûka ta andû mathiîte kîrîmarî Kîam Ngai-Mûnene, mûgitîri wa Isiraeli makîvuvaga mîtûrirû.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Isaia 65:11

“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;

Isaia 66:20

Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.

Isaia 66:23

Kuuma kîrugo Kîam mweri mûcerû nginya kîrugo kîu kîngî Kîam mweri mûcerû, na kuuma thavatû îmwe nginya îrîa îngî, andû onthe nîmagaaûkaga gûkû Jerusalemu kûngoocera kuo.” Ûguo nîguo Ngai-Mûnene arauga.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 30:24

Ngai-Mûnene ndagaacokithia marakara make, nginya rîrîa akavingia ûrîa avangîte gwîka. Vuvarî nîmûgaataûkîrwa nî maûndû mau.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 48:47

Nwatî vuvarî nîngacokeria Moabu mûnyaka wake. Ûguo nîguo Ngai-Mûnene arauga.” Rîu nîrîo îtuîro rîa vûrûri wa Moabu.

Jeremia 49:39

Nwatî mavindarî ma mûthiia, nîngaatûma îtûûra rîa Elamu rîgacîre rîngî. Ûguo nîguo nie Ngai-Mûnene nîrauga.”

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Danieli 2:45

Nîwonire ûrîa îthiga rîavarûkire kuuma nguvarî rîtavutîtue nî mûndû, na ûkîona ûrîa rîaringire mûvuano ûcio wa cuuma, gîcango, yûmba, sîlûva na thaavu. Ngai ûrîa mûnene nîakûmenyithîtie we mûthamaki, maûndû marîa magekîka vuvarî. Kîrooto gîkî nî Kîam ma na ûguo nagîtaûra nî ûvoro wa ma.”

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Zakaria 8:22

Andû eengî na mavûrûri marî na vinya nîmagaaûka Jerusalemu kûngooca nie Ngai-Mûnene mwene vinya wonthe na kûvoya irathimo.

Zakaria 8:3

Nîngaacoka Zayuni nîguo ngatûûre Jerusalemu, nayo nîgaacoka gwîtagwa îtûûra rîvokeku, na kîrîma Kîammûre Kîam Ngai-Mûnene mwene vinya wonthe.

Malaki 3:12

Nao andû a mavûrûri monthe makaugaga mûrî arathime, nîûndû vûrûri wenyu wonthe ûkethagîrwa wîcûrîtwe nî gîkeno. Ûguo nîguo nie Ngai-Mûnene, mwene vinya wonthe nîrauga.”

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

2Tim 3:1

Nîrenda ûmenye atî mîthenya ya kûrigîrîria nî gûkaagîa na mavinda maûmû.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.

2Pet 3:3

Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.