Isaia 2:17 - ÎVUKU RÎA ÛVORO MWARO

¹⁷ Mwîtîîo wonthe wa andû nîûkaanyivua, na mwîcaaro wa andû nîûkaathirua, na Ngai-Mûnene wenga tu nîke ûgaakumua mûthenya ûcio.

Isaia 2:17 ပူးပေါင်းရင်းမြစ်များ

Thaburi 20:8

Andû ta acio nîmakaavîngwa na magwe, nwatî tue nî tûgaûkîra na tûrûngame twîkindîrîtie.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Isaia 13:11

Ngai-Mûnene arauga atîrî, “Nîngaaverithia nthî nîûndû wa waganu wayo, na mverithie andû arîa aganu nîûndû wa mevia mao. Nîngaathiria mwîtîîo wa andû arîa eyambî, na nthirie mwîcaaro wa andû arîa matarî ntha.

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 2:18

Mîvuanano yonthe nîkaathira viû.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 5:16

Nwatî Ngai-Mûnene mwene vinya wonthe onanagia ûnene wake na njîra ya gûtuîra andû ciira na kîvooto, na akonania ûtheru wake na njîra ya ûthingu wake.