Isaia 2:13 - ÎVUKU RÎA ÛVORO MWARO

¹³ Nîagaakinda mîtarakwe yonthe ya Lebanoni, îrîa mîraca na mîaro, na mîvuru yonthe vûrûrirî wa Bashani.

Isaia 2:13 ပူးပေါင်းရင်းမြစ်များ

Thaburi 29:5

Mûgambo wa Ngai-Mûnene nî unangaga mîtarakwe, nî unangaga mîtarakwe ya Lebanoni.

Isaia 14:8

Mîthithinda na mîtarakwe ya Lebanoni nîîrakena, îrakenerera kûgwa kwa mûthamaki îkiugaga atî, ‘nîûndû rîu nîûgwîthîtue, gûtirî mûndû ûgaaûka gûtûtema!’

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Isaia 37:24

We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Ezek 27:6

Nîmoocire mîtî ya mîvuru kuuma Bashani makîrûtha mîtî ya gûtwarithia meri irîa nene; wamîtumire na mbaû cia mîthithinda kuuma Kuporo, na ûkîigemia na mîguongo.

Amosi 2:5

Kwoguo nîngaatûma mwaki vûrûrirî wa Juda, na ûcûkangie kûndû kûrîa kûgitîre îtûûrarî rîa Jerusalemu.”