Isaia 2:12 - ÎVUKU RÎA ÛVORO MWARO

¹² Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 2:12 ပူးပေါင်းရင်းမြစ်များ

2Sam 22:28

Nîûvonokagia arîa menyivagia, nwatî nîwagithagia kîene arîa metîîaga.

Ayubu 24:1

Ngai mwene vinya wonthe aregaga kwiga mavinda ma gûtucanîra ciira nîkî? Arîa mamwîcî maregaga kwona agîtuîra evia nîkî?

Thaburi 131:1

We Ngai-Mûnene, nie ndiîgathaga na ndiîtîîaga. Ndirûmbûyanagia na maûndû marîa manene, kana maûndû marîa ndangîvota gwîka.

Thaburi 18:28

We Ngai-Mûnene, nîûmbakanagîria taa, na ûkanthengutîria nduma.

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Thaburi 94:2

Rûngama, we ûtucagîra andû onthe ciira; verithia andû arîa etîi kûringana na ûrîa magîrîrwe!

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 10:33

Taroria, Ngai-Mûnene mwene vinya wonthe akaamarivania nthî ta ûrîa mvûa cia mûtî irivanagua ciatemwa; njamba irîa nene nîigaatemwa igwe nthî, nao arîa etîi nîmagaaconorithua.

Isaia 13:11

Ngai-Mûnene arauga atîrî, “Nîngaaverithia nthî nîûndû wa waganu wayo, na mverithie andû arîa aganu nîûndû wa mevia mao. Nîngaathiria mwîtîîo wa andû arîa eyambî, na nthirie mwîcaaro wa andû arîa matarî ntha.

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 13:9

Taroria, mûthenya wa Ngai-Mûnene nîûgaakinya, mûthenya mûcûku wa marakara meengî na mang'ûrîka. Nthî nîgaacûkangua, nao andû evia arîa marî kuo mathirue viû.

Isaia 14:15

Nwatî nîûnyûrûrûkîtue ûgakinyua kwa arîa akuû, nîûgwîthîtue kûrîa kûriku mûno.

Isaia 23:9

Ngai-Mûnene mwene vinya wonthe, nîke wavangire maûndû mama monthe. Eekire ûguo nîguo athirie mwîtîîo wa andû a kuo, na aconorithie arîa maveetwe gîtîîo nthî yonthe.

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Isaia 24:4

Nthî nîîkwara indo cionthe ciûme; mavûrûri ma nthî nîmaratangîka na makathirwa nî vinya; îgûrû na nthî nî ithirîte vinya.

Isaia 40:23

Ke nîagwîthagia anene a nthî, na athamaki akamatua kîndû vatarî.

Isaia 42:15

Nîngaacûkangia irîma na tûrîma, na nyûmithie tûmîtî tuonthe twa kuo. Nîngaavûîthia nyûnjî ituîke nthî nyûmû, na mvûîthie manjî marîa marî mariarî.

Isaia 5:15

Andû onthe nîmagaaconorithua, nao arîa onthe etîi megwithue nthoni.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Jeremia 12:9

Andû arîa nthurîte mekariî ta iconi mbaro, irîa itharîkagîrwa na mbarî cionthe nî nderi. Thiî ûnganie nyamû cionthe irîa mbaganu, nîguo ciûke kîrugorî.

Jeremia 13:9

“Ûguo nîguo ngathiria mwîtîîo wa andû a Juda na mwîtîîo mûnene wa Jerusalemu.

Jeremia 30:7

Nama mûthenya ûcio nî mûnene, gûtirî mûthenya wîngî ta guo, nî mûthenya wa kîeva kûrî andû a Jakovu; kûnarî ûguo nîmakavonokua kuuma thînarî ûcio.”

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 50:31

“Nie Ngai-Mûnene mwene vinya monthe nîrauga atîrî, “We Babuloni wîcûrîtwe nî mwîtîîo! Kwoguo nîngûregana nawe, kavinda gagûkûverithia nîgakinyu.

Ezek 13:5

Matigitagîra kûrîa nthingo ciatûkangîte, kana matuma nthingo cia kûgitîra andû a Isiraeli kuuma kûrî mbaara mûthenya wa Ngai-Mûnene wakinya.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Amosi 5:18

Kaî andû arîa metagîrîra mûthenya wa Ngai-Mûnene marî na thîna-î. Mwetagîrîra mûthenya ûcio wa Ngai-Mûnene nîkî na ûkethîrwa ûrî mûthenya wa nduma na tî wa ûtheri.

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

Mika 5:11

Nîngaacûkangia matûûra ma vûrûri wenyu, na nyomomore kûndû kwenyu gwa kwîgitîra.

Zefania 1:16

mûthenya ûcio nî wa tûrumbeta na mbaara, kûrî matûûra marîa marî nthingo nene na nthingo ndaca.

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 23:12

Nake mûndû wa wonthe wînenevagia nîakaanyivua, na mûndû wa wonthe wînyivagia nîakaanenevua.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”