Isaia 19:4 - ÎVUKU RÎA ÛVORO MWARO

⁴ Nîngaanenganîra andû a Misiri kûrî mûtongoria mwaganu, na nîmakaathwa nî mûthamaki ûtarî ntha. Nie Ngai-Mûnene mwene vinya wonthe, nînie nauga ûguo.”

Isaia 19:4 ပူးပေါင်းရင်းမြစ်များ

Thaburi 31:8

Ndwandekereria kûrî nthû ciakwa, nîûnûngamîtie vandû varî na thayû.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Isaia 20:3

Mwaka ûrîa îtûûra rîa Ashidodi rîatavirwe, Ngai-Mûnene nîwaugire atîrî, “Ndungata yakwa Isaia îtûûraga îthiîcaga îrî njaga na îrî magûrû matheri îvinda rîa mîaka îthatû rûrî rûûri rwa kwonania ûrîa ngeeka Misiri na Ethiopia.

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Jeremia 46:26

Nîngamanenganîra kûrî Nebukadinezarû mûthamaki wa Babuloni na athigari ake arîa mendaga kûmaûraga. Vuvarî vûrûri wa Misiri nîûkaagîa na andû wata arîa maarî kuo mbere. Ûguo nîguo nie Ngai-Mûnene nîrauga.

Ezek 29:19

Kwoguo, nie Ngai-Mûnene Ngai nîngaanenganîra vûrûri wa Misiri kûrî Nebukadinezarû, mûthamaki wa Babuloni. Nî agaatava indo ciake cionthe na akuue ûtonga wa vûrûri wa Misiri nîguo ûtuîke îrîvi rîa athigari ake a mbaara.

Ezek 30:12

Nîngaatûma rûnjî rwa Nilo rûvwe na menderie andû aganu vûrûri wa Misiri. Nîngaatûma andû ageni manange vûrûri ûcio wana kîndû kîonthe kîrîa kîrî kuo. Nie Ngai-Mûnene nînie mbugîte ûguo.”

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.

1Sam 23:7

Saûlo nîwerirwe atî Daudi nîwathiîte Keila. Nake Saûlo nîwaugire atîrî, “Ngai nîamûnenganîrîte njararî ciakwa, nîûndû Daudi ke mwene nîwîvingîrîte atonyete îtûûra ririgîre na rîrî na ivingo cia vinya.”