Isaia 19:24 - ÎVUKU RÎA ÛVORO MWARO

²⁴ Mûthenya ûcio vûrûri wa Isiraeli nîûkaanyitanîra na vûrûri wa Misiri na wa Asîria; namo mavûrûri mau mathatû nîmagaatuîka kîrathimo kûrî nthî yonthe.

Isaia 19:24 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Isaia 19:23

Mûthenya ûcio, nîgûkethîrwa kûrî na varavara nene yumîte Misiri îthiîte vûrûrirî wa Asîria. Andû Asîria nîmagaceraga Misiri, nao andû a Misiri nîmagaceraga Asîria; nao andû a Misiri na andû a Asîria nîmakaagooca Ngai vamwe.

Isaia 19:25

Ngai-Mûnene mwene vinya wonthe nîakaamarathima akiugaga atîrî, “Mûrorathimwa andû akwa a Misiri, mûrorathimwa andû a Asîria arîa naûmbire na njara ciakwa, na Aisiraeli arîa nîîthuurîrîte.”

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 49:22

Mwathani Ngai arauga atîrî, “Nîngambararîria andû a ndûrîrî njara yakwa, na mbûkîrîrie vendera yonwe nî andû; nao nîmakaarete anake enyu mamakuuîte na njara ciao, nao erîtu enyu mamakuuîte na ituro ciao.

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Isaia 65:22

Matigaatuma nyomba itûûrwa nî andû engî; matikaavanda mîthavibu îrîwa nî andû engî. Andû akwa magaatûûraga ûtûûro mûraca ta mîtî; na andû akwa arîa amûre nîmagaakenagîra wîra ûrîa marutîte îvinda îraca.

Isaia 65:8

Ngai-Mûnene arauga atîrî, “Andû moona thavibu inyitanîte vamwe irî mbaro meranaga atî: ‘Tûtikaithûkie, nîûndû nwa ciume ndivei.’ Ûguo nîguo ngeeka nîûndû wa ndungata ciakwa, na ndikaamathiria onthe.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Aroma 15:27

O ene nîmaakenere gwîka ûguo na nî ma nîmaagîrîrwe nî kûmatethia. Nîûndû ethîrwa Ayahudi nîmagaanîte kîrathimo Kîamo gîa kîîroho na andû a Ndûrîrî, andû a Ndûrîrî wanao nîmagîrîrwe nî kûruta indo ciao nîguo matethie Ayahudi.

Agal 3:14

Kristû eekire ûguo nîguo kîrathimo kîrîa Ngai eerîre Iburahimu, gîkinyîre andû a Ndûrîrî na njîra ya Jesû Kristû nîguo na njîra ya wîtîkio tûvote kwamûkîra Roho ûrîa Ngai eeranîre.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”