Isaia 19:22 - ÎVUKU RÎA ÛVORO MWARO

²² Ngai-Mûnene nîakaaverithia andû a Misiri, acoke amavonie; nao nîmakaamûcokerera nake nîakegua mathaithana mao na amavonie.

Isaia 19:22 ပူးပေါင်းရင်းမြစ်များ

2Atha 20:5

“Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

Ayubu 22:23

Ûngîcokerera Ngai mwene vinya wonthe na wînyivie, na ûthengutie waganu ûrîa wîkagwa gwaku mûciî;

Ayubu 5:18

Nîûndû ke nîativagia nwatî nîacokaga akamwova, na nîatemaga mûndû na akamûvonia.

Ntha 8:4

We andû aku, anene onthe aku nîmûkaarûgagîrwa nî ciûra ikamûtamba.’ ”

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Ezek 29:13

Ngai-Mûnene Ngai arauga atîrî, “Mîaka mîrongo îna yathira, nîngaatûma andû a Misiri macoke maume mavûrûrirî kûrîa naamanyaganîrie.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Hosea 6:2

Vuva wa mîthenya îîrî nîagaatûva mwoyo rîngî, vuva wa mîthenya îîrî nîagaatûriûkia, nîguo tûkavota gûtûûrania nake.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Ahib 12:11

Tûtikenaga rîrîa tûkûverithua nîûndû nîtwîgucaga ûrûrû. Nwatî arîa maverithagua na makaûmîrîria nîmagîcaga na kîveo Kîam ûtûûro wa thayû na ûthingu.