Isaia 19:20 - ÎVUKU RÎA ÛVORO MWARO

²⁰ Metha îo ya kîgongoona îgaatuîka kîmenyithia na ûira kûrî Ngai-Mûnene mwene vinya wonthe vûrûrirî wa Misiri. Rîrîa andû a kuo makaarîrîra Ngai-Mûnene amatethie kuuma kûrî arîa mamavinyagîrîria, ke nîakaamatûmîra mûmatethia wa kûmagitîra na kûmavonokia.

Isaia 19:20 ပူးပေါင်းရင်းမြစ်များ

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Ntha 2:23

Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Isaia 19:4

Nîngaanenganîra andû a Misiri kûrî mûtongoria mwaganu, na nîmakaathwa nî mûthamaki ûtarî ntha. Nie Ngai-Mûnene mwene vinya wonthe, nînie nauga ûguo.”

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Isaia 45:15

Nama we wî Ngai ûrîa wîthithîte, Ngai wa Isiraeli, Mûvonokia.

Isaia 52:5

Kwoguo rîu nie nîratetheka na ndûî, rîrîa ngwona andû akwa matavîtwe mana? Arîa mamathaga nîkwa maretîîa, narîo rîîtwa rîakwa rîcambagua vîndî cionthe. Ûguo nîguo Ngai-Mûnene arauga.

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Josh 22:34

Andû a mûvîrîga wa Reubeni na a mûvîrîga wa Gadi nîmaaugire atîrî, “Metha îno ya kîgongoona nî ûira kûrî tue tuonthe atî Ngai-Mûnene nî Ngai.” Nao nîmaamîtuîrîre rîîtwa “Ûira.”