Isaia 19:19 - ÎVUKU RÎA ÛVORO MWARO

¹⁹ Mûthenya ûcio gûkethîrwa kûrî na metha ya kîgongoona ya Ngai-Mûnene vûrûrirî wa Misiri, na gîtugî Kîammûrîrîtwe Ngai-Mûnene kîrî mûvakarî wa vûrûri ûcio.

Isaia 19:19 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 28:18

Mûthenya ûcio wîngî kîraûko tene, Jakovu nîwaramûkire, agîoca îthiga rîrîa rîarî rungu rwa kîongo gîake na akîrîvanda rîrî rîa kîririkano, agîcoka akîrîtîrîria maguta akîrîamûrîra Ngai.

Thaburi 68:31

Aarîrîria nîmagaaûka kuuma Misiri; andû a Ethiopia nîmakaavirîra Ngai ûtonga wao.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Isaia 60:7

Ndîthia cionthe cia ng'ondu cia Kedari nîikaaûnganua vamwe iretwe kûrî we, nîûkaaruta ndûrûme cia Nebaiothi magongoona, ciathînjwa na cigîrîrwe metharî yakwa ya kîgongoona nîngaaciamûkîra, na nîngaathakaria hekarû yakwa gûkîra mbere.

Isaia 66:23

Kuuma kîrugo Kîam mweri mûcerû nginya kîrugo kîu kîngî Kîam mweri mûcerû, na kuuma thavatû îmwe nginya îrîa îngî, andû onthe nîmagaaûkaga gûkû Jerusalemu kûngoocera kuo.” Ûguo nîguo Ngai-Mûnene arauga.

Jeremia 46:2

Ûvoro wîgiî Misiri: aaugire atî, athigari a mbaara a mûthamaki wa Misiri arîa marî vakuvî na Karikemishi vakuvî na rûnjî rwa Farati, arîa Nebukadinezarû mûthamaki wa Babuloni aavotire mwakarî wa kana wa wathani wa Jehoiakimu mûvîcî wa Josia, mûthamaki wa Juda. Ngai-Mûnene augîte atîrî:

Ezek 29:1

Mûthenya wa îkûmi na kaîrî mwerirî wa îkûmi wa mwaka wa îkûmi kuuma twathiî îthamîriorî, Ngai-Mûnene nîwambîrire atîrî,

Ezek 30:1

Ngai-Mûnene nîwambîrire atîrî,

Ezek 31:1

Mûthenya wa mbere mweri wa kathatû, mwakarî wa îkûmi na ûmwe kuuma twavirwa îthamîriorî, Ngai-Mûnene nîwambîrire atîrî,

Ezek 32:1

Mûthenya wa mbere wa mweri wa îkûmi na îîrî, mwaka wa îkûmi na îîrî kuuma twavirwa îthamîriorî, Ngai-Mûnene nîwambîrire atîrî,

Zakaria 6:15

“Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”

Ahib 13:10

Athînjîri-Ngai arîa matungataga varîa Ayahudi magoocagîra, matirî na rûtha rwa kûrîa kîndû wana kîrîkû kîrîa gîtegagwa metharî yetû ya kîgongoona.

Josh 22:10

Vîndî îrîa andû a mûvîrîga wa Reubeni na wa Gadi na nuthu îmwe ya mûvîrîga wa Manase maakinyire Gelilothu vakuvî na rûnjî rwa Jorodani, nîmaatumire metha nene mbaro ya kîgongoona. Vîndî îo maarî mwena wa îthûîro wa rûnjî rwa Jorodani.

Josh 22:26

Kîu nîkîo gîatûmire tûtuma metha ya kîgongoona. Tûtiamîtuma îrî ya kûrutîra magongoona ma kûvîvua kana ya kûrutîra matega.

Josh 22:27

Vandû va ûguo, twatumire metha ya kîgongoona ûrî ûira wa kwonia njiarwa cietû na cienyu na njiarwa irîa igaûka atî nîtûgoocaga Ngai-Mûnene tûrî îgemarî rîake rîtheru. Tûretaga matega metû îgemarî rîake rîtheru nîguo mavîvue na tûrî na magongoona na matega ma thayû. Ûndû ûcio warî wa gûtûma njiarwa cienyu itikeere njiarwa cietû atî tue tûtirî a Ngai-Mûnene.

Josh 22:28

Tweciragia atî ethîrwa ûndû ûcio nîûgekîka, njiarwa cietû nîikaauga atî, ‘Taroria! Methe metû maatumire metha ya kîgongoona îkariî ta metha ya Ngai-Mûnene ya kîgongoona. Ndîarî ya kûrutîra matega ma kûvîvua kana ya kûrutîra magongoona, nwatî maamîtumire ûrî ûndû wa kwonania atî wanatue tûrî a Ngai-Mûnene’.

Josh 22:34

Andû a mûvîrîga wa Reubeni na a mûvîrîga wa Gadi nîmaaugire atîrî, “Metha îno ya kîgongoona nî ûira kûrî tue tuonthe atî Ngai-Mûnene nî Ngai.” Nao nîmaamîtuîrîre rîîtwa “Ûira.”