Isaia 19:14 - ÎVUKU RÎA ÛVORO MWARO

¹⁴ Ngai-Mûnene nîatûmîte mavecane mataaro mavîngîcanu, nîmatûmîte andû a Misiri magaage mawîrarî mao monthe, na magatûgûga ta ûrîa mûrîu atûgûgaga agîtavîkaga.

Isaia 19:14 ပူးပေါင်းရင်းမြစ်များ

2Maû 18:22

Mikaia nîwarîkîrie na kuga atîrî, “Ngai-Mûnene nîke wîkîrîte roho wa maveeni tûnyuarî twa arathi acio aku. Nwatî Ngai-Mûnene nîwarîtie maûndû macûku makwîgiî!”

Ayubu 12:16

Ke ethagîrwa arî na vinya na ûûgî, arîa maveenagua na arîa maveenanagia onthe nî ake.

Ayubu 12:25

Mathiîcaga makînyitanyitaga ndumarî, na magatûgûga ta mîrîu.

Nthi 12:8

Mûndû mûûgî nîakumagua nî andû arîa engî, nwatî mûndû kîrimû nîkwa anyararagwa.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Isaia 24:20

Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Isaia 3:12

Andû akwa makaavinyagîrîrua nî ciana na aka mamathage. Mue andû akwa, atongoria enyu nî maramûvîtithia, makamwagagia nîguo mûvîtie njîra îrîa mûkûthiîra.

Isaia 9:16

Atongoria a andû aya nîmamavîtithîtie, nao arîa matongoragua nî andû aya nîmaûrîte.

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

2Ath 2:11

Nîûndû wa ûguo Ngai nîatûmaga maveeneke nîguo metîkie maûndû ma maveeni.

Atir 9:23

Ngai nîwacokire agîtûma roho mûcûku aûke gatagatîrî ka Abimeleki na andû a Shekemu, na andû a Shekemu nîmaareganire na Abimeleki.