Isaia 19:11 - ÎVUKU RÎA ÛVORO MWARO

¹¹ Atongoria a îtûûra rîa Zoani nî aritu mûno; ataari a mûthamaki wa Misiri mavecanaga mataaro ma ûrimû. Mangîvota atîa kwîra mûthamaki wa Misiri, atî o nî njiarwa cia andû arîa aûgî, njiarwa cia athamaki a tene atîa?

Isaia 19:11 ပူးပေါင်းရင်းမြစ်များ

1Atha 4:30

Solomoni aarî na ûûgî mwîngî gûkîra andû onthe a mwena wa îrathîro, na ûûgî mwîngî gûkîra andû onthe a Misiri.

1Atha 5:10

Kwoguo Hiramu nîwavirîre Solomoni mîtî ya mîtarakwe na ya mîvondo îrîa eendaga,

Ayubu 12:17

Ke nîatûmaga ataarani mathiî matarî na nguo, na agatua acirithania irimû.

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Thaburi 73:22

naarî kîrimû na ndiamenyaga ûndû, nekariî ta nyamû na ndiakûmenyaga.

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Thaburi 78:43

rîrîa oonanirie maûndû ma magegania vûrûrirî wa Misiri, na akîringa ciama Zoani, kûndû kûrîa kwaraganu.

Thaburi 92:6

Mûndû kîrimû ndangîmenya ûndû, mûndû mûritu ndangîtaûkîrwa nîûndû ûyû,

Ntha 8:14

Nao andû a Misiri nîmaaicokanîrîrie vamwe irûndo nene, na vûrûri wonthe ûkînunga nîûndû wacio.

Ntha 8:4

We andû aku, anene onthe aku nîmûkaarûgagîrwa nî ciûra ikamûtamba.’ ”

Nthi 30:2

Na ma nie nîrî mûritu mûno, na ndiîkariî ta mûndû, na ndiîciragia ta mûndû.

Isaia 19:13

Atongoria a Zoani nî aritu, na atongoria a Memufisi nîaveenie; magîrîrwe nî gûtongoria andû, nwatî nîmavîtithîtie vûrûri wa Misiri.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Isaia 30:4

Nîûndû wana ethîrwa anene ake marî Zoani, na anjaama ake magakinya nginya Hanesi,

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Jeremia 10:14

Mûndû nî kîrimû na ndarî ûmenyo; arîa onthe marûthaga mîvuanano ya thaavu nîmaconorithagua nîyo; nîûndû mîvuanano îo nî ya maveeni na ndîrî mwoyo.

Jeremia 10:21

Nîûndû arîthi nî irimû, na mativoyaga Ngai-Mûnene kîrîra, kwoguo methîrîtwe matakûthiî na mbere, na ng'ondu ciao cionthe ikanyagania.

Jeremia 46:17

“Îta Faraû mûthamaki wa Misiri rîîtwa rîrî, ‘Mûndû wa înegene rîa mana.’

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Ezek 30:14

Nîngaatûma Pathirosi kwanangîke na mbakie mwaki îtûûrarî rîa Zoani na mverithie îtûûra rîa Thebesi.

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Obadia 1:7

Andû arîa mûgwatanagîra nao nîmamûveenetie, nîmamûvinyûrîtie kuuma vûrûrirî wenyu. Andû arîa mwekaranagia nao mûrî na thayû nîmamûvootete. Arata arîa mwevokete nîmaamwigîre mûtego na mûmûnyitithie; makiugaga atî, ‘Ûrî va ûûgî wonthe ûrîa maarî naguo?’ ”

Obadia 1:8

Nie Ngai-Mûnene nîrauga atîrî, “Kavinda kau, nîngaacûkangia andû arîa aûgî a Edomu, na nthirie ûmenyo wao.

Ndari 13:22

Nîmaaunûkirie makîthiî mwena wa Negebu na magîkinya Heburoni. Kûu nîkuo meethîrîrie Ahimani, Sheshai, na Talimai njiarwa cia Anaki. (Heburoni yatumirwe mîaka mûgwanja mbere ya Zoani îrîa îrî Misiri.)

Ciîko 7:22

Nake Musa nîwarerirwe na ûûgî wonthe wa andû a Misiri na agîtuîka mûndû warî na ûvoti mwîngî wa kwaria na wa gwîka maûndû.