Isaia 18:7 - ÎVUKU RÎA ÛVORO MWARO

⁷ Vîndî îo, Ngai-Mûnene mwene vinya wonthe nîakaavirîrwa iveo kuuma vûrûrirî ûyû ûgaanîtue nî nyûnjî, ûrî andû araca na marî ngothi nyoroku. Andû acio nîmetigîrîtwe nthî yonthe. Magaaûka Kîrîmarî gîa Zayuni, varîa Ngai-Mûnene Mwene Vinya wonthe agoocagîrwa.

Isaia 18:7 ပူးပေါင်းရင်းမြစ်များ

2Maû 32:23

Andû eengî nîmaaûkire Jerusalemu kûretera Ngai-Mûnene iveo, na nîmaavirîre Hezekia mûthamaki wa Juda indo cia goro. Kuuma vîndî îo mûthamaki Hezekia nîwatîirwe nî mavûrûri monthe.

Thaburi 68:32

Inîrani Ngai, mue mothamaki ma nthî, inîrani Mwathani nyîmbo cia kûmûkumia,

Isaia 16:1

Nîavirîru mûtongoria wa vûrûri tûgondu, matûrutîte Sela mavîtûkîrîre werûrî nginya kîrîmarî gîa Zayuni.

Isaia 18:2

Vûrûri ûcio ûtûmaga anjaama makathiî na rûnjî rwa Nailo, marî matarûrî matumîtwe na mîrura. Thiîni mue anjaama aya mûthiîcaga na îvenya, thiîni vûrûrirî ûcio mûnene na ûrî vinya, vûrûri ûcio ûgaanîtue nî nyûnjî, ûrî andû araca na marî rûûo rûnyoroku, andû metigîrîtwe nî andû a nthî yonthe.

Isaia 18:4

Nîûndû Ngai-Mûnene ambîrîte atîrî, “Nîngaaroria gûkû nthî ngirîte nîrî îgûrû kûrîa ndûûraga, nîngaaroria ngirîte nîrî kûrîa ndûûraga, ngirîte ta ûrugarî vîndî îrîa riûa rîarîte, ta ûrîa îtu rîa îme rîgûcaga vîndî ya maketha.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Habakuku 1:7

Acio nî andû a kwîguithia andû guoya na a kûmakania; kîvooto na ûndû ûrîa mwagîrîru umanaga na o.

Zefania 3:10

Kuuma mûringo wa nyûnjî cia Ethiopia, andû akwa arîa manyaganîtie kûndû na kûndû, nîmakaandetere maruta.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.