Isaia 17:8 - ÎVUKU RÎA ÛVORO MWARO

⁸ Matikaaroria rîngî metha cia magongoona irîa matumîte na njara ciao, kana marorie irîa maturîte o ene îrî mûvuanano wa ngai ya mûndûmûka ya Ashera kana metha cia magongoona cia kûvîvîria ûbani.

Isaia 17:8 ပူးပေါင်းရင်းမြစ်များ

2Sam 22:42

Nîmaarîrîre ûtethio, nwatî gûtirî wanarî mûndû wamavonokirie. Nîmeetire Ngai-Mûnene, nwatî ndaamathikîrîria.

2Maû 14:5

Nîwacûkangirie kûndû kûrîa kwagoocagîrwa ngai cia mîvuanano na akîomomora metha cia magongoona cia kûvîvîria ûbani kuuma matûûrarî monthe ma Juda. Kwoguo kwarî na thayû vûrûri wa Juda vîndî ya ûthamaki wa Asa.

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

2Maû 34:4

Nîwathire metha cia Baali cia magongoona kûrîa aagoocagîrwa imomomorwe, metha cia magongoona cia kûvîvîrua ûbani irîa ciarî vakuvî nacio na akiunanga mîvuanano ya Ashera na mîvuanano îngî yonthe na magîcoka makîmîthîa îgîtuîka rûkûngû na makîrûnyagia mbîrîrarî cia andû arîa maairutîrîte magongoona.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Isaia 1:29

Nîmûkeguîra nthoni mîvuru îrîa mwakenagîra; na nîmûgaaconoka nîûndû wa mîgûnda îrîa mwethuurîre.

Isaia 10:20

Mûthenya ûcio andû a Isiraeli, arîa makethîrwa matigarîte na andû a Juda arîa makethîrwa marî mwoyo matikevoka rîngî vûrûri ûrîa wamavinyagîrîria, nwatî makevoka nama Ngai-Mûnene, Ûrîa Mûtheru wa Isiraeli.

Isaia 17:9

Mûthenya ûcio, matûûra mao marîa magitîre magaatigwa marî maganjo ta matûûra marîa maatiganîrue nî Ahivi na Amori rîrîa maaûrire nî andû a Isiraeli.

Isaia 2:8

Vûrûri wao wîcûrîte mîvuanano, na magoocaga indo irîa marûthîte na njara ciao.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 37:19

na magaikia ngai ciao mwakirî nîûndû itiarî ngai cia ma, nwatî ciarî mîvuanano yaumîtue nî andû ya mîtî na ya mathiga; kwoguo nîciacûkangirue.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 44:15

Vuva wa ûguo, mûtî ûcio nîûtuîkaga wa kunwa ngû nî mûndû. Nîocaga gîcunjî kîmwe Kîamguo, nakîo gîcunjî kîu kîngî akaumia ngai ya mûvuanano nakîo na akamîgooca.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Zefania 1:3

Andû, nyamû, iconi cia rîerarî na nthamaki cia îriarî; cionthe nîngaicûkangia. Andû arîa aganu nîngamacûkangia viû; andû onthe nîngamathiria gûkû nthî.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.