Isaia 17:4 - ÎVUKU RÎA ÛVORO MWARO

⁴ “Mûthenya nîûgaakinya, rîrîa riiri wa Isiraeli ûkaanyivanyivua, na ûtonga wa kuo ûthire.

Isaia 17:4 ပူးပေါင်းရင်းမြစ်များ

Kîam 41:3

Nîgwacokire gûkiumîra ng'ombe ciîngî mûgwanja itaarî mbaro na ng'înju ciumîte rûnjîrî rwa Nailo. Nacio nîciarûngamire varî icio ciîngî rûtererî rwa rûnjî.

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 17:3

Matûûra marîa magitîre ma Efiraimu nîmagaacûkangua, naguo ûthamaki wa Damesiki ûthire. Nao andû a Sîria arîa magaatigara marî mwoyo makaagîa na gîconoko ta andû a Isiraeli; nie Ngai-Mûnene mwene vinya wonthe nînie nauga ûguo.”

Isaia 24:13

Ûguo nîguo gûgekara mavûrûrirî monthe ma nthî, wata ûrîa mûtamaiyû wîkaraga maketha mathira, gûtigaraga ndamaiyû nini cia mûthiia, nwaguo gûgaatigara andû anini marî mwoyo.

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Isaia 9:8

Mwathani nîatuîrîrîte andû a Jakovu, na îtuîro rîu rîgakinyîra andû a Isiraeli.

Ezek 34:20

“Kwoguo, nie Ngai-Mûnene Ngai nîramwîra atî nîngaatwithania ciira gatagatî ka ng'ondu irîa noru na ng'ondu irîa ng'înju.

Amosi 3:12

Ngai-Mûnene arauga atîrî, “Wata ûrîa mûrîthi atethûraga magûrû maîrî, kana kînuku Kîam gûtû kwa ng'ondu kuuma kanyuarî ka mûnyambû, nwa guo andû a Isiraeli arîa matûûraga Samaria magatethûrwa, arîa rîu mamamagîra itanda mbaro na nguo cia goro.”

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.