Isaia 17:3 - ÎVUKU RÎA ÛVORO MWARO

³ Matûûra marîa magitîre ma Efiraimu nîmagaacûkangua, naguo ûthamaki wa Damesiki ûthire. Nao andû a Sîria arîa magaatigara marî mwoyo makaagîa na gîconoko ta andû a Isiraeli; nie Ngai-Mûnene mwene vinya wonthe nînie nauga ûguo.”

Isaia 17:3 ပူးပေါင်းရင်းမြစ်များ

2Atha 16:9

Mûthamaki wa Asîria nîwathîkîre Ahazi, na nîwathiîre marî na athigari ake a mbaara na makîtharîkîra îtûûra rîa Damesiki. Nîwarînyitire, akîûraga mûthamaki Rezini na akîvira andû Kiri marî mîgwate.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Isaia 10:9

Nîmvoota Kalino wata ûrîa nekire Karikemishi. Nîmvoota Hamathi wata ûrîa nekire Aripadi, na mvoote Samaria wata ûrîa nekire Damesiki.

Isaia 16:14

Nwatî rîu Ngai-Mûnene arauga atîrî, “Vuva wa mîaka îthatû, ta îrîa îtaragîrwa mûruti wa wîra, riiri wa Moabu nîûkaathira. Wana ethîrwa andû a kuo nî eengî, nî andû anini tu magaatigara na matarî na vinya.”

Isaia 17:4

“Mûthenya nîûgaakinya, rîrîa riiri wa Isiraeli ûkaanyivanyivua, na ûtonga wa kuo ûthire.

Isaia 25:2

Nîûtûmîte îtûûra rîtuîke kîrûndo Kîam mathiga, ûgatûma îtûûra ririgîre rîtuîke îganjo. Nyomba ya ûnene ya andû a ndûrîrî nî nyomomore, na ndîgaatumwa rîngî tene na tene.

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Isaia 7:8

Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Hosea 1:4

Nake Ngai-Mûnene nîwerire Hosea atîrî, “Tuîra kaana rîîtwa ûgeete Jezireeli, nîûndû nînîvarîrîtie kûverithia nyomba ya mûthamaki Jehu, nîûndû wa andû arîa aûragîre Kîamndarî Kîam Jezireeli na nthirie ûthamaki wa Isiraeli.

Hosea 1:6

Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 10:14

Kwoguo mûrurumo wa mbaara nîûgakinyîra andû aku; nthingo cionthe cia kwîgitîra nîikomomorwa ta ûrîa Shalimani aacûkangirie Betharibeli marî mbaararî, aka na ciana ciao magatinangua inuku.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Hosea 8:8

Andû a Isiraeli nîamerie; rîu marî gatagatî ka mavûrûri mengî, ta kîndû gîtarî na vata;

Hosea 9:11

Ngumo ya Efiraumu nî îgûrûka ta gîconi, ciana itigaaciarwa, aka matikaaiga nda na matikagîa nda!

Amosi 8:14

Nao arîa mevîtaga na Ngai ya mîvuanano ya Samaria makiugaga: ‘Wata ûrîa ngai ya Dani îtûûraga mwoyo,’ na makauga rîngî, kana ‘Wata ûrîa ngai ya Beerisheba îtûûraga mwoyo,’ andû acio nîmakagwa na matigaûkîra rîngî.”