Isaia 17:13 - ÎVUKU RÎA ÛVORO MWARO

¹³ Mavûrûri mararuruma ta manjî meengî, nwatî Ngai nîakaamagûkia nao maûre mathiî kûndû kûraca, makaavinyûrua ta ûrîa macaki magûrûkagua nî rûkûngi kîrîmarî îgûrû, kana ta ûrîa rûkûngû rûmbûragwa nî rûkûngi rûnene.

Isaia 17:13 ပူးပေါင်းရင်းမြစ်များ

Ayubu 21:18

Mekariî ta macaki marîa magûrûkagua nî rûkûngi, kana ta makoro marîa magûrûkagua nî rûkûngi rûnene.

Ayubu 38:11

na ngîrîîra atîrî, ‘Ûyû nîguo mûthiia waku, ndûkavîtûke ava, makûmbî maku manene magakinyaga ava.’

Thaburi 1:4

Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.

Thaburi 35:5

Marotuîka ta macaki magûrûkîtue nî rûkûngi, mavinyûrîtue nî mûraika wa Ngai-Mûnene!

Thaburi 65:7

We nîûvoragîria marurumî ma îria, na înegene rîa makûmbî ma rîo; nîûvoragîria înegene rîa andû.

Thaburi 65:8

Nthî yonthe nîmamakîtue nî maûndû marîa wîkîte. Nîûtûmaga kûgîe na gîkeno kûndû kuonthe, kuuma mûthiia ûmwe wa nthî nginya ûrîa wîngî.

Thaburi 9:5

We nîûkaanîtie andû a ndûrîrî, nîûcûkangîtie andû arîa aganu, na nîûtûmîte marîîtwa mao mariganîre tene na tene.

Isaia 14:25

Nîngaathiria Asîria arîa marî vûrûrirî wakwa, na nîmakinyangîre irîmarî ciakwa. Nîngaaruta andû akwa ûkomborî wa Asîria, na nîmaûre mûrigo ûrîa mamakuuithîtie.

Isaia 21:15

Andû acio nîkwa maûrîrîte mviû, icomoretwe nîguo maûragwe nacio, maûrîrîte mota matungîtwe marathwe na ûgwati wa mbaara.

Isaia 22:18

Agaakûnyita akûthiûrûrûkie, acoke aguikie ta mûvira na agwikie vûrûrirî mwariî. Kûu nîkuo ûgaakuîra ûrî vakuvî na ikaari ciaku cia mbaara icio wîtîîaga nacio. We wî gîconoko kûrî nyomba ya mwathi waku.

Isaia 27:1

Mûthenya ûcio, Ngai-Mûnene nîagooca rûviû rwake rûrîa rûnene na averithie Leviathani, njoka îrîa îgûrûkaga, njoka îrîa îîthioraga, na aûrage njûnamatu îrîa îtûûraga îriarî.

Isaia 29:5

Nwatî gîkundi Kîam nthû ciaku gîkethîrwa gîkariî ta rûkûngû rûvinyu, nacio nthû ciaku irîa itarî ntha ikethîrwa ciîkariî ta macaki, makaagûrûkua nî rûkûngi wa rîmwe.

Isaia 30:28

Mîvevû yake îkariî ta rûnjî rwîcûrîte rûkauna, manjî ma ruo makinyaga mûndû ngingo; Aûkîte kwinainia ndûrîrî aicûkangie, agaciovania na aivire kûrîa itendaga kûthiî.

Isaia 34:17

Ngai-Mûnene nîagaîrîte wa kîûmbe vandû vakîo, nîaigaîrîte vûrûri na rûrigi, nîikegwatîra kûndû kûu tene na tene. Igaatûûra kuo njiarwa na njiarwa.

Isaia 40:15

Kûrî Ngai-Mûnene mavûrûri nîta îtata rîa manjî rîrî ndoorî, nîta rûkûngû rûrî kîthimirî, kûrî ke, icîgîrîra nîta rûkûngû rûvinyu.

Isaia 40:24

Wa rîrîa mavandwa na mambîrîria kûmera, wana matarî aumu mîri ta ûrîa mûtî ûtonyagia mîri mûtheturî, Ngai-Mûnene angîmavuva na mîvevû nîkwa mavovaga, rûkûngi rûnene rûmagûrûkagia ta macaki.

Isaia 41:11

“Taroria, arîa onthe maakûrakarîre nîmagaaconoka na maconorithue. Arîa magianaga nawe magaatuîka kîndû vatarî na nîmagaakua.

Isaia 8:7

Kwoguo nie Mwathani, nîngûmaretithîria mûthamaki wa Asîria na athigari ake a mbaara onthe arîa marî vinya mekariî ta mwîcûro mûnene wa manjî ma rûnjî rwa Farati rwîcûrîte rûkauna.

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Hosea 13:3

Kwoguo nîmakaathira wa rîmwe ta nundu ya kîraûko, kana mathire wa rîmwe ta îme, kana ta mavûngo marîa magûrûkagua nî rûkûngi, kana ta ndogo îrîa yumaga nyomba.

Zefania 2:2

mbere ya mûgûrûkue ta macaki makîgûrûkua nî rûkûngi, mbere ya marakara ma Ngai-Mûnene maûka kûrî mue, mbere ya mûkinyîrwa nî mang'ûrîka ma Ngai-Mûnene.