Isaia 17:12 - ÎVUKU RÎA ÛVORO MWARO

¹² Aia, ûcio nî mûrurumo wa andû eengî, mararuruma ta ûrîa îria rîrurumaga. Aia, nî mûrurumo wa ndûrîrî, irî na mûrurumo ta wa manjî meengî.

Isaia 17:12 ပူးပေါင်းရင်းမြစ်များ

Thaburi 18:4

Naathiûrûrûkîrîtue nî mîtego ya gîkuû mîena yonthe, naatharîkîrîtwe nî ivuvûkanio cia kûnjûkangia.

Thaburi 29:3

Mûgambo wa Ngai-Mûnene nî wîguîkaga manjîrî meengî; Ngai ûrîa ûrî riiri agambaga ta wa ngûa, mûgambo wa Ngai-Mûnene ûragamba ûrî îriarî.

Thaburi 83:2

Taroria, nthû ciaku irî na gacagaca; na arîa makûmenete nîmararegana nawe.

Isaia 13:4

Tathikîrîriani înegene rîrîa rîrî irîmarî îgûrû, nîta rîa andû eengî mûno! Tathikîrîriani înegene rîa mothamaki na mavûrûri magomanîte vamwe. Ngai-Mûnene mwene vinya wonthe nîaravarîrîria athigari ake a mbaara.

Isaia 28:17

Ngaatûmîra kîvooto kîrî kîthimi gîakwa, naguo ûthingu ûrî ta kavirû.” Mbura ya mbembe nîkaavata maveeni monthe, namo manjî macûkangie ûgitîri wenyu.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 8:9

Mue andû a mavûrûri, gomanani vamwe na nî mûkaamaka! Ta thikîrîriani mue mavûrûri marîa marî kûraca! Îîvarîrieni kûrûa na mûmake! Îkarani mwîvarîrîtie na mûmake!

Isaia 9:5

Iratû cionthe cia athigari a mbaara arîa maatharîkagîra, na nguo ciao cionthe irîa irî na maroro ma nthakame, nîikaavîvua ta ngû.

Jeremia 6:23

Manyitîte moota na matumû, nî aganu mûno na matirî ntha, mûgambo wao nîta mûrurumo wa îria. Mathiîcaga mekarîrîte mbarathi, mevangîte na mevarîrîtie kûrûa nawe, we îtûûra rîa Zayuni.”

Ezek 43:2

Riiri wa Ngai wa Isiraeli nîwaûkire umîte na mwena wa îrathîro. Naguo mûgambo wa Ngai warî ta mûrurumo wa manjî ma îria, nayo nthî nîyagîre na ûtheri wa riiri wake.

Danieli 7:2

Aandîkire atîrî, “Ûtukû nîmonire kîoneki Kîam ngûngi inya ikîvurutana îgûrû rîa îria rîrîa rînene na ikîriunjuga.

Mika 4:11

Mavûrûri meengî nîmagomanîte nîguo mamûtharîkîre, makiugaga atîrî, “Tiga îtûûra rîao rîcûkangue! Natue twone Zayuni îkîanangîka!”

Ndari 10:35

Îthandûkû rîa kîrîkanîro rîambîrîria kûthiî, Musa nîwaugaga atîrî, “Ngai-Mûnene ûkîra ûnyaganie nthû ciaku na ûtûme arîa makûmenete maûre!”

Luka 21:25

“Nîgûkaagîa na marûûri riûarî, mwerirî na njatarî. Nakuo gûkû nthî, andû a mavûrûri monthe nîmagaata mwîvoko na metigîre marurumî ma îria na makûmbî ma manjî.

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.