Isaia 17:10 - ÎVUKU RÎA ÛVORO MWARO

¹⁰ We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 17:10 ပူးပေါင်းရင်းမြစ်များ

1Maû 16:35

Mwîreni, “Tûvonokie we Ngai wa ûvonokio wetû, tûgomanie vamwe na ûtûvonokie kuuma kûrî ndûrîrî, nîguo tûvote gûcokeria rîîtwa rîaku rîtheru ngatho tûkenete.

Thaburi 106:13

Nwatî nîmaariganîrwe nî ciîko cia Ngai wa rîo, na makîrega gweterera ûtaari wake.

Thaburi 106:21

Maariganîrwe nî Ngai ûrîa wamavonokirie, ûrîa wekîte maûndû manene vûrûrirî wa Misiri.

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 31:2

Nthikîrîria, na ûmvonokie narua! Tuîka ta îthiga rîakwa rîa kûngitîra, vandû varî na vinya va kûmvonokia.

Thaburi 65:5

We nîûcokagia mavoya metû na njîra ya gûtûva ûvootani, na nîwîkaga maûndû ma magegania nîguo ûtûvonokie, we nîwe kîîrîgîrîro Kîam andû onthe a nthî, na Kîam arîa marî mariarî marîa marî kûraca.

Thaburi 79:9

Tûtethie We Ngai, mûvonokia wetû; tûvonokie na ûtûovere mevia metû, nîûndû wa gîtîîo Kîam rîîtwa rîaku.

Thaburi 85:4

Tûcokie twîkare ûrîa twekariî mbere, we Ngai mûvonokia wetû, na ûtige kûrakara nîûndû wetû.

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 17:9

Mûthenya ûcio, matûûra mao marîa magitîre magaatigwa marî maganjo ta matûûra marîa maatiganîrue nî Ahivi na Amori rîrîa maaûrire nî andû a Isiraeli.

Isaia 18:5

Mbere ya thavibu ikethwa, kîrao gîatuîka na thavibu ciambîrîria gûtunîva, Ngai-Mûnene nîagaatinia matheûka na tûviû twa gûcaa, na nîagaacaa mvûa irîa iratamba.

Isaia 25:4

Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 30:29

Nîmûkaaina nyîmbo ta irîa cinagwa vîndî îrîa kûrî na ûkûngûîri wa kîrugo Kîammûre. Mûgaacanjamûka ta andû mathiîte kîrîmarî Kîam Ngai-Mûnene, mûgitîri wa Isiraeli makîvuvaga mîtûrirû.

Isaia 33:2

Ûûi Ngai-Mûnene, twîguîre ntha; we nîwe twîkaraga twîrîgîrîrîte. Tuîka vinya wetû mîthenya yonthe, na ûtûvonokagie vîndî ya thîna.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Joeli 1:17

Mbeû nîiracûkîra mûtheturî, kûrîa kwigagwa indo gûtirî kîndû, makûmbî rîu nî macûkangie, nîûndû gûtirî na irio cia kwiga kuo.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Habakuku 3:18

nie ngaakenagîrîra Ngai-Mûnene, ngenagîre Ngai ûrîa ûmvonokagia.

Zefania 1:13

Nîmagacunwa ûtonga wao na indo ciao cia nyomba. Matigatûûra nyombarî irîa maratuma, kana manyue ndivei ya mîtî îrîa maravanda rîu.”

Gûco 28:30

“Mûndû akaarîkanagîra na mwîrîtu atî nîakûmûvikia, nake mûndûmûrûme wîngî akamenyana nake kîîmwîrî. Mûndû agaatumaga nyomba na ndagaatûûra kuo. Mûndû akaavandaga mîthavibu, nwatî ndakaarîa thavibu ciayo.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Gûco 6:12

mûkeemenyerera nîguo mûtikariganîrwe nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.