Isaia 16:6 - ÎVUKU RÎA ÛVORO MWARO

⁶ Andû a Juda maugaga atîrî, “Nîtwîguîte ûrîa andû a Moabu marî ecaari, nîtwîcî ûrîa maarî etîi mûno. Nîtwîcî ûrîa marî rûng'athio, mwîkumio na metûûgagîria; nwatî mwîtîîo ûcio wao nî wa mana.”

Isaia 16:6 ပူးပေါင်းရင်းမြစ်များ

Nthi 21:24

Ndûrîka nî mûndû ûrîa mwîtîi na mwîyambi, ekaga maûndû na mwîtîîo.

Isaia 15:1

Îno nîyo ndûmîrîri ya Ngai îgiî Moabu: Îtûûra rîa Ari na rîa Kiri nîmacûkangîtue ûtukû ûmwe, naguo vûrûri wa Moabu ûkirîte îvooru.

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 25:11

Nîmakaambararia njara ciao ta mûndû akîgeria kûthambîra, nwatî Ngai-Mûnene nîakaathiria mwîtîîo wao vamwe na wara wao

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 28:18

Vîndî îo kîrîkanîro kîenyu na gîkuû nîgîkaathirua, na ngwatanîro yenyu na kwa arîa akuû îgaatuîka ya mana. Rîrîa mûthiro ûkaavîtûkîrîra kûu nîûkamûthiria.

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Jeremia 48:14

“Andû a Moabu, mugaga mûrî njamba, na athigari a mbaara marî vinya atîa?

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Jeremia 48:42

Andû a Moabu nîmagacûkangua matige gûtuîka rûrîrî, nîûndû nîmenenevirie gûkîra Ngai-Mûnene.

Jeremia 50:36

Ûragani arathi a maveeni, maanagîrîra ûrimû mûtheri! Ûragani athigari ake a mbaara, nîguo mathirue onthe!

Amosi 2:1

Ngai-Mûnene arauga atîrî, “Andû a Moabu matûûraga mevagia, kwoguo ndigaatiga kûmaverithia, nîûndû nîmaregete kûva mûthamaki wa Edomu ûrîa wakuire gîtîîo, na njîra ya kûvîvia mavîndî make magatuîka mûu.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”