Isaia 16:4 - ÎVUKU RÎA ÛVORO MWARO

⁴ Tigani andû a Moabu arîa maûrîte matûûre vûrûrirî wenyu, magitîreni kuuma kûrî arîa marenda kûmacûkangia. Rîrîa ûrîa ûvinyanagîrîria akethîrwa atarî vo, na kûûragana kûthire na arîa matharîkagîra maume vûrûrirî,

Isaia 16:4 ပူးပေါင်းရင်းမြစ်များ

Isaia 14:4

nîmakaaina rwîmbo rwa kûnyûrûria mûthamaki wa Babuloni makiugaga atîrî, “Kaî mûthamaki ûrîa ûratûvinyagîrîria nî mûcûkangie-î! Ûng'endu wake rîu nî mûthiru!

Isaia 15:6

Karûnjî ka Nimurimu nî kavwîu; nyaki ya kuo nî nyûmû, mîmera nî mîvovu, gûtirî kîndû kîrakûra kuo.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 40:11

Ayahudi onthe arîa maarî Moabu, Amori, na Edomu na mavûrûri mau meengî, nîmegwire atî mûthamaki wa Babuloni nîwatigîte andû amwe Juda, na atî nîwathuurîte Gedalia mûvîcî wa Ahikamu, mûvîcî wa Shafani atuîke mûnene wao.

Jeremia 48:18

Mue atûûri a Diboni, umani itîîrî cienyu cia gîtîîo, mwîkare nthî rûkûngûrî. Nîûndû mûcûkangia wa Moabu nîwakinya, nîacûkangîtie kûrîa kûgitîre.

Jeremia 48:8

Mûcûkangia akaathiî matûûrarî monthe, gûtirî îtûûra rîkaavonoka; indo cionthe ciandarî nîikaathira, kûndû kûrîa gûtûgîru nîgûkoomomorwa, wata ûrîa Ngai-Mûnene augîte.

Obadia 1:14

Mûtiagîrîrwe nî kûrûngama makathîkanorî ma njîra, na kûnyita andû ao arîa maûraga; mûtiagîrîrwe nî kûnenganîra andû arîa mataûragwa kûrî nthû ciao, mûthenya ûcio warî wa kîeva.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Zakaria 9:8

Nîngaagitîra hekarû yakwa ndîkaatharîkîrwe nî nthû; Gûtirî mûndû ûgaacoka kûvinyîrîria andû akwa rîngî, nîûndû rîu nînîreyonera na metho makwa nie mwene.

Malaki 4:3

Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

Gûco 24:14

“Ndûkaverithie mûndû mûthîni na ngîa ûrîa wandîkîte, arî wa andû enyu Aisiraeli kana arî mûgeni kuuma îtûûrarî rîmwe rîa vûrûri wenyu.

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.