Isaia 15:2 - ÎVUKU RÎA ÛVORO MWARO

² Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Isaia 15:2 ပူးပေါင်းရင်းမြစ်များ

2Sam 10:4

Kwoguo Hanuni nîwanyitire anjaama acio a Daudi, akîmenjithia nderu mwena ûmwe wa mûndû wa mûndû, agîcoka agîtinithia nguo ciao kuuma kîûnûrî kûthiî na nthî, na akîmeera mathiî.

1Maû 19:4

Kwoguo Hanuni nîwagwatire anjaama a mûthamaki Daudi, akîmenja nderu, agîtinîria nguo ciao gatagatî kîûnûrî na akîmera mathiî.

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 15:3

maravîtûkîrîra njîrarî mekîrîte nguo cia macakaya; maracakaya makîrîraga methori marî nyombarî îgûrû na ivaarorî cia matûûra.

Isaia 16:12

Rîrîa andû a Moabu makaathiî kûgooca ngai ciao na menogie makîthiî kûrîa kûgoocagîrwa, macoke mathiî hekarûrî yao kûvoya, matikaathikîrîrua.

Isaia 16:7

Kwoguo andû a Moabu nîmararîra, onthe mararîrîra vûrûri wao. Cakayani mûno mue andû a Moabu, nîûndû wa wenye wa îtûûra rîa Kiri-heresethi.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Jeremia 47:2

Ngai-Mûnene arauga atîrî: “Taroria manjî nîmarauma mwena wa rûgûrû, namo nîmatuîka ta rûnjî rwîcûrîte rûkauna; nîmagaakunîkîra nthî na indo cionthe irîa irî kuo, makunîkîre îtûûra vamwe na atûûri a rîo. Andû nîmakaaugîrîria; andû onthe a nthî nîmakaarîra marî na ûrûrû mwîngî,

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Jeremia 48:1

Ngai-Mûnene mwene vinya wonthe Ngai wa Isiraeli arauga atîrî, “Kaî andû a Nebo marî na thîna-î, nîûndû îtûûra rîao nîrîcûkangie! Îtûûra rîa Kiriathaimu nîrîconorithie na gûgatavwa, nthingo ciakuo cia vinya nî nyomomore.

Jeremia 48:18

Mue atûûri a Diboni, umani itîîrî cienyu cia gîtîîo, mwîkare nthî rûkûngûrî. Nîûndû mûcûkangia wa Moabu nîwakinya, nîacûkangîtie kûrîa kûgitîre.

Jeremia 48:31

Kwoguo nînîracakaya nîûndû wa Moabu, ngarîrîra andû onthe a Moabu, na ngacakaîra andû a Kiri-heresi.

Jeremia 48:35

Nîngaatûma andû a Moabu matige kûgooca na kûruta magongoona marî kûndû kûrîa gûtûgîru, na matige kûvîvîria ngai yao ûbani. Ûguo nîguo nie Ngai-Mûnene nauga.

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Ezek 27:31

Menjete ciongo nîûndû waku, na mageekîra nguo cia macakaya, Nîmagaakûrîrîra marî na ûrûrû ngororî.

Ezek 30:2

“Mûndû, rathîra andû ûvoro ûmere nie Ngai-Mûnene Ngai mbugîte: Cakayani! Ûi nîûndû wa mûthenya ûcio!

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Alawi 13:40

“Mûndûmûrûme angîthira njuîrî kîongo agîe na kîvara, ethagîrwa arî mûtheru.

Alawi 21:5

“Gûtirî mûthînjîri-Ngai ûkenja njuîrî wanarî mwena ûmwe wa kîongo gîake ithira kana enja nderu ciake kana etemange mwîrî.

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Ndari 21:28

Athigari a mbaara nîmaaumire Heshiboni, maaumire îtûûrarî rînene rîa Sihoni mekariî ta nînîmbî cia mwaki. Maacûkangirie îtûûra rîa Ari vûrûrirî wa Moabu, na magîcûkangia tûrîma twa rûnjî rwa Arinoni.

Ndari 21:30

Kwoguo njiarwa ciao nîciacûkangirue, kuuma Heshiboni nginya Diboni, na kuuma Nashimu nginya Nofa vakuvî na Medeba.”

Ndari 32:3

“Îtûûra rîa Atarothi, Diboni, Jazeri, Nimura, Heshiboni, Eleale, Sebamu, Nebo na Beoni,

Ndari 32:38

Nebo na Baali-meoni (marîîtwa ma matûûra mama nîmaagarûrirwe) na Sibuma. Nîmaatuîrîre matûûra marîa maatumire marîîtwa mengî.

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

Gûco 34:1

Musa nîwaumire kûndû kûrîa kwaraganu vûrûrirî wa Moabu, na akiunûkia kîrîmarî Kîam Nebo akîthiî nginya kathûrûmûndû ga kîrîma gîa Pisiga kûng'ethanîra na Jeriko. Arî vau, Ngai-Mûnene nîwamwonirie vûrûri wonthe: kuuma Gileadi nginya Dani;