Isaia 14:32 - ÎVUKU RÎA ÛVORO MWARO

³² Anjaama arîa makaauma vûrûrirî ûcio magaacokerua atîa? Makerwa atî, Ngai-Mûnene nîatumîte îtûûra rîa Zayuni, kûu nîkuo andû ake arîa marî na thîna maûragîra.

Isaia 14:32 ပူးပေါင်းရင်းမြစ်များ

2Sam 8:10

nîwatûmire mûvîcî, Joramu kûrî mûthamaki Daudi akamûkethie akîmûcokagîria ngatho nîûndû wa kûvoota Hadadezeri, ûrîa Toi aatûîre arûaga nake. Joramu nîwavirîre Daudi iveo ciarûthîtwe na thaavu, sîlûva na gîcango.

Thaburi 102:16

Nîûndû Ngai-Mûnene nîagaatuma rîngî Zayuni, nîakoonania riiri wake.

Thaburi 102:28

Ciana cia ndungata ciaku igaatûûraga irî ngitîre, nacio njiarwa ciao igaatûûra ciîkindîrîtie varî we.

Thaburi 48:4

Nîûndû athamaki nîmaagomanire vamwe, na nîmathiîte kûtharîkîra Kîrîma gîa Zayuni.

Thaburi 87:1

Ngai-Mûnene nîatumîte îtûûra rîake îgûrû rîa kîrîma gîake kîtheru.

Thaburi 87:5

Naguo ûvoro wîgiî Zayuni gûkeragwa atîrî, “Zayuni nîke ng'ina wa ndûrîrî cionthe, na ûrîa Ûrî Îgûrû mûno nîke ûtûmaga rîîvande.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 25:4

Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 29:19

Andû arîa avooreri nîmakaagîa na gîkeno gîcerû kuuma kûrî Ngai-Mûnene, nao arîa athîni gûkû nthî nîmagaakena nîûndû wa Ûrîa Mûtheru wa Isiraeli.

Isaia 37:32

Nîûndû nîgûkaagîa na andû magaatigara kûu Jerusalemu, nakuo Kîrîmarî gîa Zayuni nîgûkethîrwa na andû anini makethîrwa matigarîte. Ngai-Mûnene mwene vinya wonthe nîavangîte gwîka ûguo.

Isaia 37:9

Rîrîa eegwire atî Tirihaka, mûthamaki wa Ethiopia nîaûkîte kûrûa nake, nîwatûmire anjaama kûrî Hezekia akiuga atîrî,

Isaia 39:1

Vîndî îo, Merodaki-baladani, mûthamaki wa Babuloni ûrîa warî mûvîcî wa Baladani, nîwatûmire anjaama mavirîre Hezekia maarûa na kîveo rîrîa egwire atî aarî mûrwaru na nîwavonete.

Isaia 4:6

Riiri wake nîûgaatuîka kîruru Kîam gûkunîkîra îtûûra mûthenya nîûndû wa ûrugarî wa riûa na kûndû gwa kwîthitha rûkûngi rûnene na mbura.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 54:11

Ngai-Mûnene arauga atîrî, “We Jerusalemu îtûûra rîîrî rînyarirîtwe, we winainîtue nî rûkûngi rûnene, na ndûrî na wa gûkûvooreria, nîngaagûtuma rîngî na mathiga marî na marangi maro, na ndume mûcingi waku na mathiga ma goro.

Isaia 57:13

Vîndî îrîa mûgaakaya mûgîtia ûtethio, mîvuanano îo yenyu nîîkamûvonokia! Rûkûngi nîrûkaamîvuruta îthiî kûndû kûraca. Nwatî arîa manîîvokete nîo makegwatîra vûrûri ûtuîke wao, na magae Kîrîma gîakwa kîrîa Kîammûre.”

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Zefania 3:12

Nie nîngaatiga andû enyivia na avoreri kûu, arîa magaaûka kûrî nie nîguo nîmatethie.

Zakaria 11:11

Kwoguo kîrîkanîro nîkîatharûrirue mûthenya ûcio. Andû arîa maagûraga na makendia ng'ondu nîmaandoretie, na nîmaamenyire atî nî Ngai-Mûnene waragia kûvîtûkîra ciîko ciakwa.

Zakaria 11:7

Kwoguo, arîa magûraga na kwendia ng'ondu nîmaamandîkire na ngîtuîka mûrîthi wa ng'ondu irîa ciathiîte kûthînjwa. Nînaacokire ngîoca mîragi îîrî. Mûragi ûmwe naaûtuîrîre rîîtwa “Ûtugi,” na ûcio wîngî ngîûtuîrîra rîîtwa “Wîgucano.” Nînacokire ngîthiî kûrîthia ng'ondu.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Ahib 11:10

Iburahimu aatûûraga etererete îtûûra rînene rîrî na mûcingi wa gûtûûra rîtumîtwe nî Ngai.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.