Isaia 14:3 - ÎVUKU RÎA ÛVORO MWARO

³ Rîrîa Ngai-Mûnene akaathirîria andû a Isiraeli kîeva, mathîna na mawîra marito marîa maarutithagua,

Isaia 14:3 ပူးပေါင်းရင်းမြစ်များ

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 32:18

Andû akwa magaatûûraga kûndû kûrî na thayû, kûndû kûgitîre na kûndû gûtarî na thîna.

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:8

Ngai-Mûnene mwene vinya wonthe arauga atîrî, “Rîrîa îvinda rîu rîgakinya, nîngaunanga îcoki rîrîa rîrî ngingorî na nducange mînyororo yao. Matigatuîka ngombo cia andû ageni rîngî.

Jeremia 50:34

Ûrîa mûkûri wao arî vinya. Rîîtwa rîake nî Ngai-Mûnene mwene vinya wonthe. Nama nîngamacirîrîra nîguo ndûme nthî îgîe na thayû, nwatî vûrûri wa Babuloni nîmakaagîa na thîna.”

Ezek 28:24

Ngai-Mûnene augîte atîrî, “Gûtigaacoka kwoneka ûndû rîngî wa kwîgwithia andû a Isiraeli ûrûrû ta ûrîa mwîgua kana cong'e imundaga mûndû umîte na mavûrûrirî marîa mariganîtie nao. Na nîmakaamenya atî nînie Ngai-Mûnene Ngai.”

Zakaria 8:2

“Mbîthîrîtwe nîrî na wîru wa îtûûra rîa Zayuni nîûndû wa ûrîa nîrîendete, wendo mûnene mûno warîo ûrîa ûtûmîte mbakanwe nî marakara nîûndû wa mavûrûri marîa mengî.

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.