Isaia 14:29 - ÎVUKU RÎA ÛVORO MWARO

²⁹ “Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 14:29 ပူးပေါင်းရင်းမြစ်များ

2Atha 18:8

Nîwaûragire Afilisiti nginya îtûûrarî rînene rîa Gaza, vamwe na vûrûri ûrîa ûrîrigicîrîtie, kuuma gîcagirî kîrîa kînini nginya îtûûra rîrîa rînene ririgîre.

2Maû 26:6

Uzia nîwarûire na Afilisiti na akîomomora nthingo irîa ciairigîrîte îtûûra rîa Gathu, Jabune na îtûûra rîa Ashidodi. Nîwacokire agîtuma matûûra mengî manene vakuvî na Ashidodi na kûndû kwîngî vûrûrirî wa Filisiti.

2Maû 28:18

Afilisiti wanao nîmaatharîkîrîte matûûra ma Juda marîa maarî Shefela na Negebu na makînyita Bethishemeshi, Aijaloni, Gederothi, Soko vamwe na icagi ciarîo, Timuna vamwe na icagi ciarîo na Gimuzo vamwe na icagi ciarîo na magîtûûra kuo.

Nthi 24:17

Ndûgakene rîrîa nthû yaku yagwa, na ndûgakene rîrîa nthû yaku yavîngwa.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 11:8

Gakenge gakaathakagîra vakuvî na îrima rîa njoka, mwana nîagaatonyia njara îrimarî rîa kîmvuva.

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 2:6

Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Jeremia 47:1

Ndûmîrîri ya Ngai-Mûnene îgiî Afilisiti nîyakinyîre mûrathi Jeremia, mbere ya mûthamaki wa Misiri atharîkîra îtûûra rîa Gaza.

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Ezek 25:15

Ngai-Mûnene Ngai arauga atîrî, “Andû a Filisiti nîmeekire ûndû mûcûku mûno wa kwîrîvîrîria na marakara kûrî andû arîa matûûraga marî nthû ciao kuuma tene.

Ezek 26:2

“Mûndû, andû a Turo nîmaathekerere îtûûra rîa Jerusalemu makiugaga atî, ivingo ciakuo nî munange na ikavingûka. Rîu andû a Turo nîo mekûgîa na ûtonga nîûndû Jerusalemu nînjûkangie.

Ezek 35:15

wata ûrîa we wakenire rîrîa vûrûri wa Isiraeli wanangirwe. Kwoguo ûguo nîguo ngaagwîka. Kîrîma gîa Seiru nîgîgaatuîka werû, wana vûrûri wonthe wa Edomu. Nao nîmakaamenya atî, nie nînie Ngai-Mûnene.”

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Joeli 3:4

“Mûrenda gwîka atîa mue Turo na Sidoni na kûu Filisiti kuonthe? Kûrî na ûndû mûrerîvîrîria? Ethîrwa nîkwa mûrerîvîrîria, nie nîngûmûrîvîrîria wa rîmwe.

Amosi 1:6

Ngai-Mûnene arauga atîrî, “Andû a Gaza matûûraga mevagia, kwoguo ndigaatiga kûmaverithia, nîmaavirire andû onthe Edomu, makîmendia kuo matûûre marî ngombo.

Amosi 1:8

Nîngaathengutia andû arîa matûûraga Ashidodi, mverithie mûnene wa Ashikeroni. Nîngaaverithia îtûûra rîa Ekironi, na Afilisiti onthe arîa maatigarîte nîmagaakua.”

Obadia 1:12

Mûtiagîrîrwe nî gûkenerera mathîna marîa maarî na aa mûrwanyûkwe. Mûtiagîrîrwe nî gûkena rîrîa andû a Juda maacûkangagua. Mûtiagîrîrwe nî gwîtîîa rîrîa maarî na mathîna.

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Zefania 2:4

Gûtirî mûndû ûgaatigwa îtûûrarî rîa Gaza. Ashikeloni nîrîgaatigwa rîrî rîtheri, Andû a Ashidodi nîmakaarutwa kuo mûthenya, na andû a Ekironi nîmakengatwa îtûûrarî rîao.

Zefania 2:5

Mue Afilisiti, kaî mûrî na thîna-î, mue mûtûûraga Kirete. Ngai-Mûnene nîamûtuîrîrîte ciira mue Akanaani na Afilisiti. Nîakaamûcûkangia, na gûtirî wanarî ûmwe wa cienyu ûgatigwa.

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Zakaria 9:5

Îtûûra rîa Ashikeloni nîrîkoona Turo îkîgwa na rîîtigîre; Îtûûra rîa Gaza narîo rîona ûguo nîrîkaagwatwa nî ûrûrû mwîngî, wana Ekironi nîûndû mwîvoko warîo ûkethîrwa wathira. Mûthamaki wa Gaza nîakaaûragwa, nakuo Ashikeloni kûthamwe viû.

Ndari 21:8

Nake Ngai-Mûnene nîwerire Musa atîrî, “Rûtha njoka ya gîcango na ûmîtwîthie vandû îgûrû rîa gîtugî. Mûndû wa wonthe ûkaarûmagwa nî njoka, na wa rîmwe arorie njoka îo, akaavonaga.”

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,