Isaia 14:27 - ÎVUKU RÎA ÛVORO MWARO

²⁷ Ûndû ûrîa Ngai-Mûnene mwene vinya wonthe avangîte gwîka, nû ûngîmûgiria? Rîrîa araverithania nû ûngîmûgiria?

Isaia 14:27 ပူးပေါင်းရင်းမြစ်များ

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

Ayubu 11:10

Ethîrwa Ngai nwa anyite mûndû na amuikie njeera na amûthitange, nû ûngîmûrigîrîria?

Ayubu 23:13

Ngai ndagarûrûkaga na ndagarûragwa, ekaga ûrîa ke mwene akwenda.

Ayubu 40:8

Nîkwa ûrenda kûregana na îtua rîakwa, wonanie atî nîrî na mavîtia, nîguo we ûtuîke mwaro?

Ayubu 42:2

“Nîmbicî atî ûrî na ûvoti wa gwîka maûndû monthe, na gûtirî mûndû ûngîregana na wendi waku.

Ayubu 9:12

Taroria, oocaga kîrîa akwenda na gûtirî mûndû ûngîmûgiria. Gûtirî mûndû ûngîmûria atîrî, ‘Ûreka atîa?’

Thaburi 33:11

Nwatî mîvango ya Ngai-Mûnene îtûûraga tene na tene, wendi wake ûtûûraga kûrî njiarwa cionthe.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 23:9

Ngai-Mûnene mwene vinya wonthe, nîke wavangire maûndû mama monthe. Eekire ûguo nîguo athirie mwîtîîo wa andû a kuo, na aconorithie arîa maveetwe gîtîîo nthî yonthe.

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Jeremia 4:28

Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.

Jeremia 44:28

Nwatî andû anini enyu nîmakavonoka gîkuû na maume Misiri macoke Juda. Na andû onthe a Juda arîa maatigarîte na maathiîte gûtûûra Misiri, nîmakaamenya nî ciugo ciao kana nî ciakwa ciama.

Jeremia 49:20

Kwoguo ta thikîrîria mûvango ûrîa Ngai-Mûnene arî naguo îgûrû rîa Edom, na maûndû macûku marîa avangîte gwîka kûrî atûûri a Temani: wana nginya twana tûrîa tûnini mûno nîtûkathiîwa natuo, nao andû onthe nîmakaamakua mûno nî ûvoro ûcio.

Jeremia 51:59

Mwaka wa kana wa wathani wake, Zedekia mûthamaki wa Juda nîwathiîre Babuloni vamwe na mûnene wa athigari ake wîtagwa Seraia mûvîcî wa Neria. Neria aarî mûvîcî wa Mahaseia. Nie Jeremia nînagîre na kanya ga kwîra Seraia ndûmîrîri îno.

Ezek 26:14

Turo ngaamîtua îthiga rîtheri na rîtuîke rîa kwanîkagwa neti cia gûtega nthamaki nî ategi na rîtigacoka gûtumwa rîngî; nîûndû nie Ngai-Mûnene Ngai nînie mbugîte ûguo.”

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?