Isaia 14:17 - ÎVUKU RÎA ÛVORO MWARO

¹⁷ Nîke watûmire nthî îtuîka ta werû, na agîcûkangia matûûra mayo, na akîgiria andû arîa moovetwe macoke kwao mîciî?’

Isaia 14:17 ပူးပေါင်းရင်းမြစ်များ

Isaia 14:16

“Arîa magaakûonaga magaagûkûûragîra metho makîûragia: ‘Ûyû nîke mûndû ûrîa watûmaga nthî îteteme, na agatûma mothamaki mainaine?

Isaia 14:18

Athamaki onthe a mavûrûri mathikîtwe na gîtîîo, wa mûthamaki mbîrîrarî yake;

Isaia 45:13

Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Isaia 64:10

Matûûra maku marîa matheru matuîkîte werû; Zayuni gûtuîkîte werû, Jerusalemu gûtuîkîte maganjo.

Jeremia 50:33

Ngai-Mûnene mwene vinya wonthe arauga atîrî, “Andû a Isiraeli wana andû a Juda nîmaranyarirwa. Arîa maamatavire mamanyinyîtie na nîmaregete kûmarekereria mathiî.

Ezek 32:23

na mbîrîra ciao irî îrimarî kûrîa kûriku mûno gwa akuû. Athigari ao onthe maaûragîrwe mbaararî na mbîrîra ciao ciîcûrîte kûu. Mbererî athigari acio maatûîre mamakagia andû arîa marî mwoyo.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Joeli 2:3

Ta ûrîa mwaki ûvîvagia vûrûri wîkariî ta mûgûnda wa Edeni, nwatî vuva wake nîta werû, na gûtirî kîndû kîngîûra.

Habakuku 1:7

Acio nî andû a kwîguithia andû guoya na a kûmakania; kîvooto na ûndû ûrîa mwagîrîru umanaga na o.