Isaia 14:13 - ÎVUKU RÎA ÛVORO MWARO

¹³ Weîrire na ngoro atîrî, ‘Nîngunûkia nginya îgûrû; nîngaaiga gîtî gîakwa Kîam ûthamaki îgûrû rîa njata, nîngekara îgûrû rîa kîrîma kûrîa ngai cia mîvuanano icemanagia, kûndû kûraca mwena wa rûgûrû.

Isaia 14:13 ပူးပေါင်းရင်းမြစ်များ

Ayubu 20:6

Wana agetûgîria agakinya nginya matuurî, Kîongo gîake nakîo gîkavutia matu,

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Jeremia 49:16

Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Ezek 27:3

îtûûra rînene rîrîa rîrî rûtere rwa îria na rîrutithanagia wîra wa kûgûra na kwendia indo na andû a mavûrûri marîa matûûraga rûtere rwa maria. Îra îtûûra rîu Ngai-Mûnene Ngai augîte atîrî: “We îtûûra rîa Turo wîtîîaga atî ûrî mûthaka mûno.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 28:9

Nîûkaauga atî we wî ngai rîrîa ûkethîrwa ûrî mbere ya andû arîa magaûka gûkûraga? Wakinya njararî cia arîa magaaûka gûkûthiria nîûkaamenya atî we wî mûndû tu, nwatî ndûrî ngai.

Ezek 29:3

Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Ezek 31:10

Ngai-Mûnene arauga atîrî, “Mûtî ûcio nîwanenevire na ûkîracava na îgûrû mûno, naguo nîwaîtîire nîûndû wa ûraca waguo.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Luka 10:15

Namue andû a îtûûra rîa Kaperinaumu, nîkwa mwendaga kwînenevia nginya mûkinye îgûrû? Mue nîmûgaaikua îcuarî!”

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.