Isaia 14:12 - ÎVUKU RÎA ÛVORO MWARO

¹² “We wakengaga ta njata ya kîraûko, na kaî wî mûgwîu na vinya kuuma îgûrû-î! We wavootire mavûrûri, nwatî rîu ûrî mûgwîthie nthî-î!

Isaia 14:12 ပူးပေါင်းရင်းမြစ်များ

Isaia 13:10

Njata cionthe wana irîa ciîthagîrwa irî itutu nîigaatiga gûkenga; riûa rîkaaratha rîkariî ta nduma, naguo mweri ndûkaara.

Isaia 34:4

Athigari onthe a îgûrû rîerarî nîmakaathira, nakuo îgûrû rîerarî nîgûgakûnjwa ta îvuku rîa gîkûnjo. Indo cionthe irîa irî îgûrû nîikaagwa, ta ûrîa mathangû ma mûthavibu magûcaga mavoova, kana ta ûrîa mathangû ma mûkûyû magûcaga mavoova.

Jeremia 50:23

Babuloni yekariî ta njokoma ya kûriva mavûrûri monthe ma nthî, nwatî rîu ndîrî na vinya nîûndû nîmunange! Mavûrûri monthe nîmamaku, nî ûrîa vûrûri ûcio wîkîtwe.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Ezek 26:17

Nao nîmakaaina rwîmbo rwa macakaya nîûndû waku makiugaga atîrî, “We îtûûra rîrarî ngumo, ûrî mûcûkangie, meri ciarîo nîmbûrîru îriarî. Andû a îtûûra rîrî nîo maarî vinya îriarî. Andû onthe arîa matûûraga rûtere rwa îria nîmaagwîtigîrîte.

Obadia 1:4

Wana ethîrwa ûmbûkaga na îgûrû ta nderi, ûgatuma kîomba gîaku kûrîa njata irî, nîngaakûruta kuo ngûgwîthie nthî, ûguo nîguo nie Ngai-Mûnene nîrauga.

Luka 10:18

Nake Jesû nîwamacokerie atîrî, “Nie nîronire Caitani akîgwa nthî wa rîmwe kuuma îgûrû wata ûrîa rûveni rûvenûkaga.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

Kûguû 2:28

Nîngaamûva njata îrîa îkengaga kîraûko.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Kûguû 8:10

Nake mûraika wa kathatû nîwavuvîre karumbeta gake. Nayo njata nene, yakanaga ta kîmûrî nîyagwîre kuuma îgûrû. Nayo yagwîrîre gîcunjî kîmwe Kîam ithatû Kîam nyûnjî na ithima cia manjî.

Kûguû 9:1

Nake mûraika wa gatano nîwavuvire karumbeta gake. Nanie nînoonire njata îrîa yagwîte nthî. Nayo nîyanengerwe cavi cia îrima îrikîru rîtarî na mûthiia.