Isaia 13:2 - ÎVUKU RÎA ÛVORO MWARO

² Ngai augîte atîrî, “Vandani vendera îgûrû rîa kîrîma gîtarî na mîtî, ugîrîriani mwîte athigari, na mûmavenerie na njara, nîguo matonyere kîvingo gîa îtûûra rîa andû arîa marî îgweta.

Isaia 13:2 ပူးပေါင်းရင်းမြစ်များ

Thaburi 60:4

Nîûkaanîtie andû arîa magwîtigîrîte, nîguo matigacûkangue.

Isaia 10:32

Ûmûnthî nthû nîikûrûngama Nobu, ikûnjîrîte kîrîma gîa Zayuni ngundi, karîma ka îtûûra rîa Jerusalemu.

Isaia 11:12

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.

Isaia 11:15

Ngai-Mûnene nîaakanyarithia Îria Îtune, na arete rûkûngi rûviû nîguo rûnyarithie rûnjî rwa Farati, na arûgaanie rûtuîke tûrûnjî mûgwanja, nîguo andû maringage na magûrû.

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 19:16

Mûthenya ûcio andû a Misiri nîmakegua guoya ta aka, mainaine nî guoya rîrîa makoona Ngai-Mûnene mwene vinya wonthe aûkîrîrîtie njara yake nîguo amaverithie.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 5:26

Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Jeremia 50:41

“Taroria andû maraûka maumîte mwena wa rûgûrû, rûrîrî rûrî na vinya na athamaki eengî, nîmarevarîria marî wa kûraca.

Jeremia 51:12

Vecanani kîmenyithia Kîam mbaara, nthingo cia Babuloni itharîkîrwe. Ongererani athigari a kûrîrangîra, vangani arangîri, athigari a kûtharîkîra nîmethithe. Ngai-Mûnene nîavangîte na ageka ûrîa aaugire wîgiî atûûri a Babuloni.

Jeremia 51:25

Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Jeremia 51:58

Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”