Isaia 13:10 - ÎVUKU RÎA ÛVORO MWARO

¹⁰ Njata cionthe wana irîa ciîthagîrwa irî itutu nîigaatiga gûkenga; riûa rîkaaratha rîkariî ta nduma, naguo mweri ndûkaara.

Isaia 13:10 ပူးပေါင်းရင်းမြစ်များ

Ayubu 9:7

Athaga riûa rîtikaume, rîkarega kuuma, akunîkagîra njata ikarega kwara.

Mûvunjia 12:2

Kavinda kau ûtheri wa riûa, mweri na njata nîûkaathira. Namo matu macoke rîngî mbura yarîkia kuura.

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 47:5

Ngai-Mûnene arauga atîrî, “We mwarî wa Akalidei îkara ûkirîte kivi na ûthiî ndumarî, nîûndû ndûgaacoka gwîtwa mûndûmûka mûthamaki wa mavûrûri!

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 50:3

Nînie ndûmaga îgûrû kûgîe nduma, na ngarîkunîka na nguo cia macakaya.”

Joeli 2:10

Nthî nîîratetema mbere yao îgûrû nîrîrainaina. Riûa na mweri nîiratuîka nduma, nacio njata nîitigîte kûruta ûtheri.

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Joeli 3:15

Riûa na mweri nî igîte nduma, na njata nîitigîte kûgîa na ûtheri.

Amosi 5:20

Mûthenya wa Ngai-Mûnene ûkethîrwa ûrî wa nduma na tî wa ûtheri. Ûkethîrwa ûrî mûthenya wa kîeva ûtarî na gîkeno.”

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Zakaria 14:6

Kavinda kau gakinya gûtikethîrwa kûrî na mvevo kana mbaa.

Mathaayo 24:29

“Na warîo vuva wa vîndî îo ya mathîna, riûa nîrîgaatuîka nduma, mweri ûtige kwara, njata igwe nthî kuuma îgûrû, na maavinya marîa marî îgûrû mainainue.

Maariko 13:24

“Mîthenyarî îo vîndî ya mathîna yavîtûka riûa nîrîgaatuîka nduma mweri ûtige kwara,

Luka 21:25

“Nîgûkaagîa na marûûri riûarî, mwerirî na njatarî. Nakuo gûkû nthî, andû a mavûrûri monthe nîmagaata mwîvoko na metigîre marurumî ma îria na makûmbî ma manjî.

Ciîko 2:20

Riûa nîrîkaagarûrûka rîtuîke nduma, naguo mweri nîûkaagarûrûka ûtunîve ta nthakame, mbere ya Mûthenya wa Mwathani ûkinye, mûthenya ûcio ûkethîrwa ûrî mûnene na ûrî na riiri.

Kûguû 8:12

Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.